Медали тилои Малайзия ба мухтареи ҷонамози ҳушманд эҳдо шуд
Абдурраҳмон Хамис, мухтареъи қатарӣ, медали тилои намоишгоҳи “ITEX” Малайзия 2023, як намоишгоҳи пешрави ихтироъ, навоварӣ ва фановариро ба даст оварда ва ин севумин ҷоизае аст, ки ӯ барои ин ҷонамози омӯзишии ҳушманд дарёфт мекунад.
Ба гузориши “ИКНА” ба нақл аз “The Peninsula Qatar”, ин ҷонамоз ба унвони аввалин ҷонамози ҳушманд дар ҷаҳон шинохта шуда, ки ҳадафи он омӯзиши намозхондан ба тоза мусулмонон ва кӯдакон аст.
Ҷонамоз аз фановарии муосир барои ироаи омӯзиши намозҳои панҷгона ва ҳамчунин намозҳои мустаҳаббӣ истифода мекунад.
Ин ҷонамоз аз садо ва матн барои намоиши ончи намозгузор бояд дар ҳар ракъат аз намоз бихонд, аз тариқи сафҳаи намоиши (LED) ва баландгуҳои дохилии худ истифода мекунад.
Ҷонамоз ҳамчунин илова бар ҷомеъияти имконот, шомили вижагиҳои таомулӣ барои посухгӯӣ ба ниёзҳои кӯдакони мубтало ба пешфаъъолӣ ё гиперактивӣ “ADHD” (Attention deficit hyperactivity disorder), як лояи зидди лағзиш барои афроди мубтало ба дарди зону ё мафосил ва се гузинаи забонии мухталиф аст.
Ин навоварӣ ба вижа барои ояндаи омӯзиши исломӣ пешгом аст зеро рӯйкарди дар дастрас ва муосир барои омӯзиши усули намоз ба кӯдакон ва тозамусулмонон ироа медиҳад.
Абдурраҳмон Хамис се ҷоиза барои ҷонамози худ дарёфт кардааст, ки охирини онҳо дар сию чаҳорумин давраи “ITEX”-и Малайзия 2023 аст, ки дар 12 ва 13 май баргузор шуд. Ин намоишгоҳ солона ҳазорон боздид кунандаро барои тиҷорисозии ихтирооти ҷадид ва ҳамчунин эътои ҷоизи ба мухтареъони муваффақ ба худ ҷазб мекунад.
