6 миллиард дақиқа пахши садои Қуръон аз радиои интернетии Кувайт
Кувайт (ИКНА) ба нақл аз Ал-Ҷарида, Имон Алӣ, мудири кумитаи интернетии маҷмаъи хайрияи Наҷот аз ҳимоятҳои дабирхонаи кулли Авқоф аз тарҳи муваффақи Қуръонии "Ал-Ҷомеъ" хабар дод. Ба гуфтаи вай дар қолаби ин радиои интернетӣ беш аз 6 миллиард дақиқа пахши садои Қуръон дар саросари ҷаҳон ҳосил шудааст.
Имон Алӣ, бо интишори баёнияе дар ташреҳи тарҳи Қуръонии "Ал-Ҷомеъ", гуфт: ин тарҳ шомили як китобхонаи қуръонӣ бо беш аз 18000 ҷилд китоб аст, ки шомили мусҳафҳои бо хат ва нигораҳои мухталиф, тафосири суннатӣ ва муосир аз Қуръони Карим ва улуми қуръонӣ ва ҳамчунин улуми балоғат, луғат ва китобҳои дигар низ мешавад. Ба гуфтаи вай ин тарҳ, иртибототи мусулмонон дар саросари ҷаҳон бо китоби Худованди Мутаол, тарҷумаҳо ва улуми онро тасҳил ва ҳамчунин имкони афзудани фановариҳои ҷадид ва пешрафтатарро барои масъулони ин тарҳҳо низ фароҳам мекунад.
Мудири кумитаи интернетии маҷмаъи хайрияи Наҷот, дар идома афзуд: бахши аслии барномаи Қуръон шомили 132 истгоҳи радиёӣ барои Қуръони Карим аст, ки оёти китоби илоҳиро дар тӯли шабонарӯз ба чиҳил забони байналмилалӣ барои мусулмонони ҷаҳон пахш мекунад ва аз ибтидои ин барнома токунун 6 миллиард дақиқа пахши садои Қуръон аз сӯи мухотабони ин барнома ҳосил шудааст.
