Ал-Азҳар ҳамла ба калисоҳо дар Покистонро маҳкум кард

Миср (ИКНА) бо судури баёнияе мухолифати худро бо ҳамла ба клисоҳо дар Покистон эълом ва таъкид кард: хоҳони пайгирии ҳуқуқӣ ва иттихози тадобири амниятӣ алайҳи ҳамаи ифротгароён дар ҷаҳон ҳастем.

Ба гузориши манобеи хабарӣ, Ал-Азҳар рӯзи гузашта (панҷшанбе, 17 август) бо судури баёнияе ҳамалот ба теъдоде аз калисоҳо дар шарқи Покистонро маҳкум ва бар радди қотеъонаи ин ҷиноёт таъкид кард.

Тибқи гузориши пойгоҳи хабари “Русия Ал-Явм”, Ал-Азҳар дар ин баёния таъйид кард: «Қуръони Кариме, ки тавассути бархе ифротгароёни ҷинояткор -дар сояи бетаваҷҷӯҳии бархе давлатҳо – мавриди ҳамла қарор мегирад, ҳамон китобе аст, ки дастур медиҳад ибодатгоҳҳои мусулмонон ва ғайримусулмонон ҳифз шавад ва аз тааддӣ ба онҳо наҳй мекунад».

Дар идомаи ин баёнияи Ал-Азҳар омадааст: коре, ки ҳамлакунандагон ба калисоҳо анҷом доданд дақиқан ҳамон коре аст, ки ҳаттокони ҳурмати Қуръони Карим анҷом доданд; Зеро ҳар ду ҷиноёте ҳастанд, ки тавассути адён, кутуби муқаддас ва мавозини инсонӣ ва ахлоқӣ манъ шудаанд.

Ал-Азҳар зимни маҳкум кардани ин иқдомоти ҷинояткорона ва ваҳшиёна, бар лузуми пайгарди қонунии ҳамаи ифротиёне, ки ба Қуръони Карим, калисоҳо ва амокуни мазҳабӣ ҳамла мекунанд таъкид кард.

Ин ниҳоди мазҳабӣ ва илмӣ, ҳамчунин хостори лузуми иттихози ҳамаи иқдомоти ҳуқуқӣ, қонунӣ ва амниятие шуд, ки ҳифозат аз муқаддасоти мардум ва амокуни мазҳабии онҳоро тазмин мекунад; То итминон ҳосил шавад, ки онҳо дар маърази ҳеҷ навъ ҳамлае қарор нахоҳанд гирифт ва ин иқдомот боиси эҷоди ихтилоф аз сӯи ҷараёнҳои таассуб ва нафрат нахоҳад шуд.

Ин баёния дар ҳоле мунташир мешавад, ки расонаҳо рӯзи чаҳоршанбе, 16 август, ба нақл аз мақомоти покистонӣ гузориш доданд, ки теъдоде аз мусулмонони ин кишвар, ба далели иҳонат ду шахси масеҳӣ ба муқаддасоти Ислом, ба чанд калисо ҳамла карда ва онҷоро ба оташ кашиданд.