Комил Юсуф дар соли 1922 ба дунё омад ва дар таърихи дувуми июни соли 1996 дида аз ҷаҳон фурубаст. Ӯ дар рустои “Беҳтим” ба дунё омад. Падараш аз қориёни русто буд. Падидаҳои қуръонӣ ва шахсиятҳои барҷастаи тиловат дар кишвари Миср аз фазоҳои рустоӣ зуҳур кардаанд ва ин истеъдодҳо дар фазои соддаи рустоҳо кашф мешаванд.

Устод Комил Юсуф ҳам дар радифи ҳамон қориён аст, ки истеъдоди эшон дар русто кашф мешавад.

Падараш ӯро дар шаш солагӣ вориди фазои тиловати Қуръон кард. То пеш аз 10 солагӣ ҳофизи кулли Қуръон шуд. Даврони кӯдакии эшон ҳам ба наҳве сипарӣ шуд, ки бисёр муштоқи нағамоти динӣ буд.

Комил Юсуф дар ҳамин сунини навҷавонӣ бо устод Муҳаммад Сайфӣ ошно шуд ва ба сурати махфиёна тиловатҳои Муҳаммад Сайфиро гӯш кард ва таҳти таъсири эшон қарор гирифт. Комил Юсуф ба қадре қудрати тақлиди болое дошта, ки дар ҳамон ибтидои амр устод Муҳаммад Сайфӣ мутаваҷҷеҳ шуд, ки истеъдоди хоссе дар вуҷуди Комил Юсуф вуҷуд дорад ва муштоқ шуд, ки рӯи ин падида сармоягузорӣ кунад. Комил Юсуфро ба шаҳрҳои мухталифи Миср аз ҷумла Қоҳира бурд то дар онҷо тиловат кунад. Дар ин мақтаъ буд, ки мардум бо Комил Юсуф ошно шуданд. Комил Юсуф саъй кард аз шайх Муҳаммад Рафъат ва Муҳаммад Салома ҳам баҳра бурд ва аз равишҳо ва сабкҳои тиловати онҳо истифода кард.

Нуктаи муҳимме, ки дар раванди рушди тиловатҳои устод Комил Юсуф мавриди таваҷҷуҳ аст инки бештари қориёне, ки дар асри тилоӣ Миср дурахшидаанд дар Маоҳидулқироат ҳузур пайдо кардаанд ва дар онҷо омӯзишҳои қироатро дидаанд, аммо устод Комил Юсуф фақат бо истимоъи тиловат се устоде, ки аз онҳо ном бурда шуд, тавониста тиловатро бифаҳмад ва ба мантиқи тиловат бирасад ва тиловатҳои хубе ба ҷо бигузорад ва соҳиби сабк шавад.