Ҷашни пирӯзии Эрдуғон дар ҷамъи намоз гузорони Аё София + филм ва акс
Намози субҳи имрӯз дар масҷиди Аё Софияи Истамбул бо ҳузури ҷамъи зиёде аз мардуми Туркия ва ба муносибати пирӯзии Эрдуғон бо шукӯҳи хоссе баргузор шуд.
Ба гузориши “ИКНА” ба нақл аз “Араби 21” соате пас аз эъломи пирӯзии Раҷаб Таййиб Эрдуғон, раиси ҷумҳури Туркия дар интихоботи раёсати ҷумҳурии ин кишвар садҳо мусулмон намози субҳи имрӯзро дар масҷиди таърихии Аё София дар Истамбул иқома карданд.
Намозгузорон қабл ва баъд аз иқомаи намози субҳ бо садои баланд шиор медоданд то пирӯзии Эрдуғон бар рақибаш, Камол Қиличдороғулу, раҳбари ҳизби Ҷумҳурихоҳи халқро ҷашн бигиранд.
Алӣ Арбаш, раиси созмони умури динии Туркия ва Сулаймон Сойло, вазири кишвари Туркия низ бо ҳузур дар маросими иқомаи намоз дар масҷиди Аё София дар ҷашни пирӯзии Эрдуғон ширкат карданд.
Ин маросим ба даъвати вазири кишвари Туркия ва ҳамчунин ба муносибати понсаду ҳафтодумин солрузи фатҳи Истамбул баргузор шуда буд.
