Таъкид бар муқовимати исломӣ таҳаввули бузург дар минтақаро дар пай хоҳад дошт
Шайх Наим Қосим, муовини дабири кулли Ҳизбуллоҳи Лубнон дар гуфтугӯ бо ИКНА, ормон ва масъалаи Фаластинро нахустин мазҳар ва нишонаи ваҳдати мусулмонон тавсиф кард ва бо ишора ба нақши уламо дар таҳаққуқи ваҳдати исломӣ дар ин замина вуҷуди душмани муштарак ба номи режими саҳюнистиро лозимаи ваҳдат ва якпорчагии мусулмонон дар баробар ин душмани муштарак хонд.
Вай тасреҳ кард: барои муқобила бо ин душман ва шикаст ва нобудии он чорае ҷуз ваҳдат барои мусулмонон боқӣ намондааст.
Шайх Наим Қосим ҳамчунин бо ишора ба адами машрӯъияти оддисозии равобит бо режими саҳюнистӣ, таъкид кард: мардум дар кишварҳои арабӣ ва исломӣ мухолифи оддисозӣ буда ва тарафдори муқовимат ҳастанд, чаро, ки муқовиматро бар ҳақ мебинанд ва муқобила бо тарҳҳои саҳюнистӣ ҷуз аз тариқи муқовимат мумкин нест. Ба гуфтаи вай таъкид бар муқовимати исломӣ таҳаввули бузург дар минтақаро дар пай хоҳад дошт.
Муовини дабири кулли Ҳизбуллоҳи Лубнон афзуд: Фаластин, масъала ва ормони он нахустин мазҳар ва нишонаи ваҳдати мусулмонон аст, чаро, ки Фаластин ишғол шудааст ва ишғолгарони саҳюнисти Фаластин, ҷаҳони Араб ва ҷаҳони Исломро ҳадафи ҳамлаи худ қарор додаанд. Аз инру мо агар ҳавли меҳвари Фаластин гирди ҳам омада ва ваҳдат дошта бошем дар баробари душмани муштарак истодаем.
Вай дар поён таъкид кард: дар баробари муқовимат, ҳаракати мардумӣ аст, ки муртабит ба уламо ва ҳақ аст ва таъкид бар муқовимат мунҷар ба таҳаққуқи умури ҷадиде дар минтақа хоҳад шуд.
