Идомаи бомбаборони хонаҳои Ғазза ва куштори ғайринизомиён

Фаластин (ИКНА) таҷовузи бераҳмонаи режими саҳюнистӣ дар навори Ғазза дар ҳоле вориди 13-умин рӯзи худ шуд, ки ҷиноёти саҳюнистҳо дар Ғазза идома дорад ва хонаҳои фаластиниҳо ҳамчунон тавассути саҳюнистҳо мавриди ҳамла қарор мегирад.

Ба гузориши ТоҷикПресс, таҳаввулот дар Фаластини ишғолӣ пас аз амалиёти Тӯфони Ақсо дар ҳоле вориди 13-умин рӯзи худ шудааст, ки ҳамаи ахбор таҳти таъсири ҳамлаи саҳюнистҳо ба бемористони Ал-Маъмадонӣ дар Ғазза қарор гирифт, ки боиси ба шаҳодат расидани садҳо тан ва маҷрӯҳ шудани занону кудакон шуд.

Ҳамла ба бемористони Ғазза хашми муътаризони саросари ҷаҳонро ба ҳамроҳ дошта ва мардуми кишварҳои мухталиф бо баргузории тазоҳурот хашму безории худро аз саҳюнистҳо изҳор карданд.

Хонаҳои фаластиниҳо ҳамчунон мавриди ҳамлаи саҳюнистҳо қарор мегирад ба тавре, ки дар камтар аз як соат 33 фаластинӣ дар бомбарони хонаҳояшон ба шаҳодат расиданд.

Афзоиши шумори куштаҳои артиши режими саҳюнистӣ

Расонаҳои режими саҳюнистӣ аз кашфи аҷсоди ҷадиди низомиёни артиши ин режим хабар дод.

бо кашфи аҷсоди низомиёни мазкур, омори куштаҳои ин низомиён аз ибтидои амалиёти Тӯфони Ақсо ба 306 афзоиш ёфт. Омори расмии қаблӣ, 291 нафар буд.

Охирин омори шаҳидони фаластинӣ

Вазорати тандурустии Фаластин шумори шаҳидони ин кишвар аз оғози амалиёти Тӯфони Ақсоро 3478 шаҳид ва беш аз 12 ҳазор маҷрӯҳ эълон кард.

https://tajikpress.com/2023/10/19/%D0%B8%D0%B4%D0%BE%D0%BC%D0%B0%D0%B8