Дидори Насруллоҳ бо сарони муқовимат/ шуҳадои муқовиматро шуҳадои роҳи Қудс бихонед
Сайид Ҳасан Насруллоҳ, дабири кулли ҷунбиши муқовимати исломии Лубнон (Ҳизбуллоҳ) имрӯз, севуми обон дар нуздаҳумин рӯз аз амалиёти Тӯфони Ақсо бо Зиёд Нахола, дабири кулли ҷунбиши ҷиҳоди исломӣ дар Фаластин ва Солеҳ Ал-Омирӣ, ноиби раиси дафтари сиёсии Ҳамос дидор ва гуфтугӯ кард.
Дар ҷараёни ин дидор Сайид Ҳасан Насруллоҳ ва Зиёд Нахола дар бораи охирин таҳаввулоти минтақа ба вижа масъалаи Фаластин ва идомаи ройзанӣ ва ҳамоҳангӣ дар ростои тақвияти муқовимат алайҳи режими саҳюнистӣ таъкид карданд.
Ҳамчунин дар ин дидор дар бораи амалиётҳои зидди саҳюнистӣ дар посух ба ҷиноёти Исроил дар бомбаборони Ғазза баҳс ва гуфтугӯ ва таҳаввулоти ахир дар Навори Ғазза аз замони оғози амалиёти Тӯфони Ақсо ва таҳаввулоти пас аз он дар тамоми сутӯҳ баррасӣ шуд.
Дар ин ҷаласа ҳамчунин даргириҳои ҷорӣ дар марзи Лубнон бо Фаластини ишғоли баррасӣ ва мавозеи иттихоз шуда дар сатҳи минтақа ва байналмилалӣ ва ончи, ки гурӯҳҳои меҳвари муқовимат бояд дар ин марҳалаи ҳассос барои таҳаққуқи пирӯзии ҳақиқӣ муқовимат дар Ғазза ва Фаластин ва таваққуфи таҷовузоти ваҳшиёна алайҳи мардуми мазлум ва устувори Ғазза ва Каронаи Бохтарӣ анҷом диҳанд, арзёби шуд. Ҳамчунин бар идомаи ҳамоҳангӣ ва пайгирии доимии таҳаввулот тавофуқ ба амал омад.
Паёми Сайид Ҳасан Насруллоҳ ба воҳидҳои расонаӣ Ҳизбуллоҳ
Ҳамчунин Сайид Ҳасан Насруллоҳ, дабири кулли Ҳизбуллоҳи Лубнон бо интишори паёми хитоби муассисот ва воҳидҳои расонаӣ Ҳизбуллоҳ эълом кард, шуҳадои ҳафтуми октябр аз замони амалиёти Тӯфони Ақсо токунунро, ки ба дарҷи рафеи шаҳодат ноил омаданд "Шуҳадои роҳи Қудс" бихонед.
Дабири кулли Ҳизбуллоҳи Лубнон дар номае ба маҷмӯаҳои расонаӣ Ҳизбуллоҳ навишт: шуҳадои муқовиматро, ки аз 7 октябр ба шаҳодат расиданд, ба унвони шуҳадои роҳи Қудс муаррифӣ кунед.
