Талоши Туркия барои касби ҷойгоҳи бартар дар санъати Ҳалол
Ба гузориши манобеи хабарӣ, Истамбул мизбони нӯҳумин иҷлоси ҷаҳонии Ҳалол ва даҳумин намоишгоҳи Ҳалоли созмони ҳамкории исломии (OIC) аст.
Ин рӯйдод панҷшанбе гузашта бо ҳузури 500 ширкат аз 45 кишвар ифтитоҳ шуд ва интизор меравад беш аз 40 ҳазор боздидкуннда дошта бошад, ки 10 ҳазор нафар аз онҳо аз хориҷи Туркия ҳастанд.
Ин рӯйдодҳо чаҳор рӯза бо шиори «даричае ба иқтисоди Ҳалоли ҷаҳонӣ: пардабардорӣ аз зарфиятҳо» баргузор мешавад.
Умар Булат, вазири бозаргонии Туркия дар маросими ифтитоҳияи ин иҷлос гуфт: саҳми тиҷорати Туркия бо кишварҳои исломӣ дар ду даҳаи гузашта аз 11 дарсад ба 26 дарсад афзоиш ёфтааст. Булат гуфт: ҳадафи мо афзоиши ин нарх ба 35 дарсад то соли 2028 аст.
Ба гуфтаи Юнус Ата, мудири иҷроӣ Discover Events ва раиси Шӯрои ҷаҳонии Ҳалол, Туркия қасд дорад аз назари стратегӣ худро ба унвони яки бозигари калидӣ дар бозори ҷаҳонии Ҳалол матраҳ кунад.
Ата афзуд: интизор меравад намоишгоҳи Ҳалоли 2023 ва нӯҳумин иҷлоси ҷаҳонии Ҳалол, ки байни 23 то 26 ноябр баргузор мешавад, ба рушди Туркия ва нуфузи бештари ин кишвар дар бозори Ҳалол кумак кунад.
Бар асоси гузориши иқтисоди Ҳалоли OIC, Туркия пеш аз ин пешрафтҳои чашмгире дар бахши Ҳалол доштааст ва дар канори Индонезия ва Малайзия дар миёни 20 содиркунандаи бартари маҳсулоти Ҳалол қарор гирифтааст.
Ба гуфтаи Ата, арзиши бозори ҷаҳонии Ҳалол беш аз 7 трилиюн доллар аст ва интизор меравад дар панҷ соли оянда ба 10 трилиюн доллар афзоиш ёбад.
Вай бо баёни инки талош барои ҷойгузинӣ барои колоҳои исроилӣ ва таҳрими ҷаҳонии ин колоҳо, тақозоро ба самти маҳсулоти дорои гувоҳии Ҳалол савқ додааст гуфт: мардум посухи худро ба ҳамалоти Ғазза нишон доданд, шурӯъ ба ҷустуҷӯи ҷойгузин барои маҳсулоти Исроил карданд. Онҳо дар бозор ба хариди маҳсулот дорои гувоҳии Ҳалол, аз маводди ғизоӣ гирифта то беҳдошт, доруҳо ва мансуҷот пардохтанд ва фурӯши ин маҳсулот дар ҳафтаҳои гузашта беш аз 100 дарсад афзоиш доштааст.
Вай гуфт: ширкаткунандагон бо беш аз 500 мутахассис ба вижа аз Туркия, Ховари Миёна, Аврупои Марказӣ ва ғарбӣ, Балкан ва Африқо мулоқот хоҳанд кард. Вай ҳамчунин афзуд, ки ин намоишгоҳ монанди солҳои гузашта мизбони як барномаи вижаи B2B бо ҳимояти вазорати тиҷорати Туркия хоҳад буд.
