Шаҳот Муҳаммад Анвар маъруф ба амири садоҳои қуръонӣ + филм
Устод Шаҳот Муҳаммад Анвар дар аввали июли 1950 дар рустои Куфралузр, устони Қаҳлияи Миср, мутаваллид шуд. Беш аз се моҳ аз вилодати ӯ нагузашта буд, ки падаршро аз даст дод ва дар ҳаштсолагӣ ҳофизи кулли Қуръон шуд.
Аз вижагии боризи устод Шаҳот Анвар, метавон ба дурахшиши ногаҳонии ишон ва тай кардани пулаҳои тараққӣ ба суръат ишора кард ва ҳамин тиловатҳои вижа то пеш аз 20 солагӣ, мӯҷиб шуд, ки номаш бар сари забонҳо биафтад ва ба ишон таваҷҷуҳи вижае шавад.
Дар бораи хотироти айёми кӯдакии худ ингуна сухан мегӯяд: «Дар он давра ман бо ҳифз кардани Қуръони Карим саодати васфношуданӣ ёфтам, ба вижа пас аз итмоми ҳифзи Қуръон ва дар аснои ёдгирии таҷвид он, ба хотири инки садои зебое доштам ва адои лаҳни ман шабеҳи адои қориёни бузург буд бар ҳамдараиҳоям пешӣ гирифта ва дар миёни онон ба «устоди кӯчак» шинохта шудам.
Марҳум устод Шаҳот Анвар барои вуруд ба радио ду сол ба омӯзишгоҳ рафт ҳамаи мақомот ва алҳони Қуръониро бо кайфияти олӣ фарогирифт то соли 1979 мелодӣ, ки дубора тақозономае барои вуруд ба радиоро навишт, ки саранҷом муваффақ шуд ва онҳо барномае барои тиловатҳояш доданд ва аз он пас буд, ки ба радио роҳ ёфт.
Устод Шаҳот Анвар, борҳо аз тарафи Вазорати авқофи Миср ва бисёре аз вақтҳо ба даъватҳои хусусии миллионҳо нафар аз дӯстдорони Қуръони Карим дар хориҷ аз Миср дар Лондон, Лосанҷилес, Аргентина, Испания, Фаронса, Бразилия, кишварҳои ҳошияи халиҷи Форс, Нигерия, Камерун ва бисёре аз давлатҳои осиёӣ ба вижа Эрон сафар кард ва ба қавли худаш дар ҳамаи ин мусофиратҳо ҷуз ризои Худованд ва беҳрӯзии муслимин нияти дигаре надошт. Саранҷом ин қории ҷаҳони Ислом дар 12 январи 2008 ниқоб дар хок кашид, ки бо тиловатҳои масҳуркунандааш ҷараёни тиловати Қуръон дар Эрон ва балки ҷаҳонро мутаҳаввил кард. Ӯ дар ҳангоми вафот танҳо 57 сол син дошт ва дар 10 соли поёни умраш ба иллати беморӣ натавонист тиловат кунад.
