"پرامن بقائے باہمی " ؛ اسلامی مذاہب کے پیروکاروں کی کامیابی کا واحد راستہ
بین الاقوامی گروپ : سعودی عرب کے شہر "الاحساء" کی شیعہ جامع مسجد "آل الرسول(ص)" کے امام جماعت "سید ہاشم سلمان" نے عالم اسلام کے درمیان تعاون اور یکجہتی کی اہمیت پر زور دیتے ہوئے کہا : مذہبی اور قومی تعصب سے دوری اور وحدت کا قیام صرف پر امن بقائے باہمی کے ذریعے ہی ممکن ہے ۔
ایران کی قرآنی خبر رساں ایجنسی (ایکنا) نے نیوز چینیل "راصد" کے حوالے سے نقل کرتے ہوئے کہا ہے کہ حجت الاسلام و المسلمین "سید ہاشم السلمان" نے "الاحساء" میں نماز جمعہ دوران خیال ظاہر کیا : اپنے اصول اور اعتقادات کی پاسداری کرتے ہوئے مختلف اسلامی مذاہب کے درمیان اچھے روابط کے لیے کوشش کرنا اہل بیت (ع) کی تعلیمات کا حصہ ہے ۔
انہوں نے مسلمانوں کے درمیان بھائی چارے کی فضا کو برقرار کرنے اور اختلافی مسائل سے پرہیز پر زور دیتے ہوئے واضح کیا : اختلافی مسائل کو عوامی سطح پر چھیڑنے کے بجائے ایک دوسرے کے عقائد اور مقدسات کا احترام کرتے ہوئے خاص مقامات اور علمی ماحول میں زیر بحث لانا چاہیئے ۔
1375742
