سیدهاشم صفیالدین؛ حزبالله کا دوسرا بڑا رہنما اور نصرالله کا سایہ+ وصیت اور ویڈیو
ایکنا کے مطابق، الاخبار نے خبر دی ہے کہ سید ہاشم صفیالدین، جو حوزہ علمیہ قم کے فاضل طالب علم تھے، 1998 میں سید حسن نصراللہ کے حزب اللہ کے سیکرٹری جنرل بننے کے بعد حزب اللہ کی ایگزیکٹو کونسل کے سربراہ مقرر ہوئے۔ سیاسی ڈھانچے میں، انہوں نے حزب اللہ کے فلاحی اور خیراتی کاموں کے ساتھ ساتھ میڈیا چینلز، جیسے المنار اور الاخبار کی نگرانی کی۔
انجمن فیملی صفیالدین
سید ہاشم صفیالدین، حزب اللہ کے براہ راست کاموں کے علاوہ، 2017 سے لبنان میں ایک غیر منافع بخش تنظیم "رابطہ آل صفیالدین فی جمیع المناطق اللبنانیة" (لبنان میں صفیالدین خاندان کی انجمن) کے سربراہ کے طور پر کام کر رہے تھے۔ اس انجمن کے تمام اراکین صفیالدین خاندان سے ہیں، اور اس کا مقصد خاندان کے درمیان تعلقات کو مضبوط بنانا، ضرورت مند خاندان کے افراد کی مالی مدد، اور تعلیم میں ان کی معاونت کرنا ہے۔
2008 سے صفیالدین کا نام امریکہ کی پابندیوں کی فہرست میں شامل رہا۔ 33 روزہ لبنان جنگ کے بعد 2008 میں، وہ شہید مجاہد سید حسن نصراللہ کے نائب بنے اور حزب اللہ کی اعلیٰ ترین مشاورتی کونسل میں شامل ہو گئے۔ وہ کونسلِ جہاد میں بھی شامل ہوئے اور حزب اللہ کے عسکری شعبے سے بھی ان کے اچھے تعلقات تھے۔
شہید شیخ صفیالدین، جو سید حسن نصراللہ کے خالہ زاد بھائی بھی تھے، کا ایران کے ساتھ قریبی سیاسی تعلق تھا۔ قم میں دینی تعلیم اور ایرانی مجاہد خاندانوں سے روابط کے ساتھ ساتھ ایرانی عسکری مشیروں سے ان کی ہم آہنگی کا سبب تہران سے ان کی گہری وابستگی تھا۔
سید ہاشم صفیالدین، جنہیں سید حسن نصراللہ کے جانشین کے طور پر دیکھا جاتا تھا، تین ہفتے قبل صہیونی حکومت کے بیروت کے علاقے ضاحیہ پر حملے میں شہید ہوئے اور حال ہی میں ان کا جسد خاکی ملبے سے برآمد ہوا۔ اسرائیلی میڈیا کی رپورٹس کے مطابق، ان کے اسرائیل کے خلاف سخت گیر مؤقف تھے، اور ان کی شہادت سے تل ابیب کو مشکل دنوں کا سامنا ہوگا۔/
4243989
