قاهره بین الاقوامی کتاب نمایش میں بریل قرآن تقسیم

ایکنا: سعودی وزارت امور اسلامی کی جانب سے ستاونویں قاہرہ کتب میلہ میں بریل قرآن «مدینة النبی(ص)» شائقین میں تقسیم کیے گئے۔

ایکنا نیوز- الیوم نیوز کے حوالے سے بتایا گیا ہے کہ اس سال ہونے والی نمائش میں سعودی عرب کی وزارتِ امورِ اسلامی، دعوت و ارشاد کے اسٹال پر مجمعِ طباعتِ قرآنِ کریم شاہ فہد کی شائع کردہ تصانیف کو نمائش کے لیے پیش کیا گیا، جبکہ مدینۂ منورہ کے مصحف کا بریل ایڈیشن خصوصی طور پر نابینا افراد کے لیے زائرین میں تقسیم کیا گیا۔

یہ قرآنِ کریم مجمعِ طباعتِ قرآنِ کریم شاہ فہد کی شائع کردہ کتب میں شامل ہے، جسے اس ادارے نے نمائش کے شرکاء کو بطورِ ہدیہ پیش کرنے کے لیے مختص کیا تھا۔

بریل مصحفِ مدینۂ منورہ کو ابھری ہوئی نقطوں کے نظام کے مطابق تیار کیا گیا ہے، جس کے ذریعے نابینا افراد لمس کے ذریعے قرآن کی آیات پڑھ سکتے ہیں، اور اس میں آیات کی ترتیب اور نظم مکمل طور پر محفوظ رکھا گیا ہے۔

یہ قرآنِ کریم نابینا افراد کے لیے تلاوت کو آسان بناتا ہے اور انہیں اس قابل بناتا ہے کہ وہ ایک معتبر اور منظور شدہ طریقے کے مطابق قرآنِ کریم کی قراءت کر سکیں۔

واضح رہے کہ سعودی وزارتِ امورِ اسلامی اس سے قبل بھی مختلف سائز کے 50 ہزار نسخے قرآنِ کریم نمائش میں آنے والے زائرین کو پیش کر چکی ہے۔

قاہرہ کی 57ویں بین الاقوامی کتاب نمائش کا آغاز 23 جنوری 2026 (3 بہمن) کو مصر کے بین الاقوامی نمائش مرکز میں ہوا، جو 3 فروری 2026 (14 بہمن) تک جاری رہے گی۔

اس سال کی نمائش کا شعار "مطالعے میں ایک گھنٹے کا توقف؛ صدیوں کی پسماندگی" رکھا گیا ہے، جبکہ اس عالمی ثقافتی تقریب میں 83 ممالک کے 1457 اشاعتی ادارے شریک ہیں۔/

4330795