شیخ نعیم قاسم جنرل سیکریٹری حزبالله منتخب
ایکنا کے مطابق المنار سے نقل کردہ خبر کے مطابق حزب اللہ لبنان نے شیخ نعیم قاسم کو اس تحریک کا نیا سیکرٹری جنرل مقرر کیا ہے۔
حزب اللہ لبنان کے بیان میں کہا گیا ہے: "اللہ تعالیٰ پر ایمان، حقیقی اسلام محمدی (ص) سے وابستگی، اور حزب اللہ کے اصولوں اور اہداف کی پاسداری کی بنیاد پر، حزب اللہ کی شوریٰ نے منظور شدہ طریقہ کار کے تحت شیخ نعیم قاسم کو سیکرٹری جنرل کے طور پر منتخب کرنے کی منظوری دی ہے۔ حزب اللہ اللہ تعالیٰ سے دعا گو ہے کہ وہ شیخ نعیم قاسم کو حزب اللہ اور اس کی اسلامی مزاحمت کی قیادت میں اپنے عظیم مشن کو پورا کرنے میں مدد عطا فرمائے۔
حزب اللہ نے مزید کہا: "ہم اللہ تعالیٰ سے عہد کرتے ہیں اور اپنے سب سے عظیم اور محترم شہید سید حسن نصر اللہ (رحمتہ اللہ علیہ)، شہداء، اسلامی مزاحمت کے مجاہدین، اور اپنے ثابت قدم، صابر اور وفادار قوم کے ساتھ یہ عہد کرتے ہیں کہ ہم حزب اللہ کے اصولوں اور اہداف کے حصول کے لیے ایک دوسرے کے ساتھ تعاون کریں گے، مزاحمت کی شمع کو روشن رکھیں گے اور اس کا پرچم بلند رکھیں گے، یہاں تک کہ فتح حاصل ہو جائے۔
شیخ نعیم قاسم 1991 سے حزب اللہ کے سیکرٹری جنرل کے عہدے پر فائز رہے ہیں اور انہوں نے امام موسی صدر کے ساتھ مل کر تحریک امل یا حرکۃ المحرومین کی تشکیل اور حزب اللہ لبنان کے قیام میں بھی حصہ لیا۔
4245026
