حرم رضوی میں شهادت حضرت زهرا(س) کی مجلس

ایکنا: سوره مبارکه «یس» کی تلاوت برائے حضرت فاطمه(س) کی تقریب غیرفارسی زبان زائرین کے أمور کے تعاون سے صحن غدیر حرم مطهر امام رضا(ع) میں منعقد ہوئی۔

ایکنا کے نمائندے کی رپورٹ کے مطابق، حجت الاسلام سید مرتضی نقوی، جو ایک بین الاقوامی مبلغ اور غیر ایرانی طلبہ کے لیے مدرسہ علمیہ کے استاد ہیں، نے اس روحانی تقریب میں خطاب کیا، جس میں ہندوستان اور پاکستان کے اردو زبان زائرین اور اہل بیت(ع) سے محبت کرنے والے 300 سے زائد افراد شریک تھے۔ انہوں نے حضرت فاطمہ(س) کی بلند پایہ شخصیت اور اسلامی تاریخ میں ان کے کردار پر روشنی ڈالی۔

حجت الاسلام نقوی نے اس عظیم خاتون کی علمی اور عملی سیرت کے کلیدی نکات بیان کرتے ہوئے روزمرہ زندگی میں ان سے رہنمائی حاصل کرنے کی اہمیت پر زور دیا اور زائرین کو ان کی تعلیمات پر عمل کرنے کی دعوت دی۔

انہوں نے حضرت صدیقہ طاہرہ(س) کے اخلاقی، عبادی، اور سماجی فضائل اور خصوصیات کو بیان کرتے ہوئے کہا کہ حضرت زہرا(س) کی مختلف پہلوؤں پر مشتمل شخصیت انہیں تمام ادوار کے لیے بے مثال نمونہ بناتی ہے۔

انہوں نے حضرت فاطمہ(س) کے بچوں کی تربیت اور اسلامی اقدار کے تحفظ میں کردار کا ذکر کرتے ہوئے کہا کہ حضرت اپنے حسن اخلاق اور نیک برتاؤ کے ذریعے نہ صرف اپنے خاندان بلکہ معاشرے میں بھی ایک مثالی شخصیت کے طور پر جانی جاتی ہیں۔

حجت الاسلام نقوی نے ان کے عبادی پہلوؤں پر بات کرتے ہوئے کہا کہ ان کا گہرا ایمان اور خدا سے قریبی تعلق خالص اور عاجزانہ عبادت کی ایک مثال ہے، جو ہر انسان کو غور و فکر پر مجبور کر سکتی ہے۔

انہوں نے حضرت فاطمہ(س) کی سماجی خلاقیتوں اور ظلم و ناانصافی کے خلاف ان کی جدوجہد کو اجاگر کرتے ہوئے کہا کہ حضرت نے بصیرت اور شعور کے ساتھ حق کے دفاع میں شجاعت اور قوت کا مظاہرہ کیا۔

قابل ذکر ہے کہ یہ تقریب احمد علی خان، ذاکر اہل بیت(ع) کی نوحہ خوانی اور سینیہ زنی کے ساتھ اختتام پذیر ہوئی۔

4252152