مدینه دنیا میں ٹاپ سو شہروں میں ایک قرار + تصاویر

ایکنا نیوز، سعودی خبررساں ادارے نے اطلاع دی کہ ہر سال 27 ستمبر کو منائے جانے والے عالمی یومِ سیاحت کے ساتھ ساتھ، مدینہ کو دنیا کے 100 نمایاں سیاحتی مقامات میں شمار کیا گیا ہے۔ اس موقع پر مدینہ نے سعودی عرب میں پہلی، خلیج فارس میں پانچویں اور عرب دنیا میں چھٹی پوزیشن حاصل کی۔

یہ درجہ بندی آزاد ادارے یورومانیتور انٹرنیشنل کی رپورٹ کی بنیاد پر کی گئی ہے، جو ہر ملک کے مخصوص حالات کو مدنظر رکھتے ہوئے ڈیٹا، تجزیوں اور میدانی تحقیق کی بنیاد پر اپنی رپورٹیں شائع کرتا ہے۔

یہ کامیابی حجاج کرام اور زائرین مدینہ کے تجربات کو بہتر اور خوشگوار بنانے کی کاوشوں کا نتیجہ ہے، جس کے تحت خدمات کی بہتری، زائرین کے تجربات کو بھرپور بنانے اور جامع حکمتِ عملی کے ذریعے ترقی پر توجہ دی گئی ہے۔

مدینہ کو اپنی تاریخی عمارتوں، بالخصوص میوزیم مسجدالنبی(ص)، میوزیم و باغ الصفیہ اور بین الاقوامی موزۂ سیرت نبوی(ص) کی بدولت ایک ثقافتی اور روحانی طور پر مالا مال سیاحتی مقام کے طور پر پہچانا جاتا ہے۔

یہ شہر مختلف تفریحی منصوبوں اور مقامات کا میزبان ہے، جن میں پروجیکٹ المحلہ، پروجیکٹ المطل، مقام قبا، پروجیکٹ شمالی مرکز، پروجیکٹ مدینہ سنٹر، واحة میلاف (صحرا کے وسط میں سبز و شاداب نخلستان)، انٹرایکٹو سیاحتی تجربات اور باغ مستظل شامل ہیں۔

اسی طرح پارک سرزمین ماجراجویی، پارک ملک فہد، بس ٹورز برائے سیاحتی گشت اور المربد فارم زائرین اور سیاحوں کو متنوع سرگرمیاں اور انوکھے تجربات فراہم کرتے ہیں۔

یہ تنوع مدینہ کی حیثیت کو ایک جامع سیاحتی مرکز کے طور پر ظاہر کرتا ہے، جو روحانیت، ثقافت اور منفرد تجربات کا حسین امتزاج پیش کرتا ہے، اور اس شہر کا سفر ایک غیر معمولی تجربہ بنا دیتا ہے۔

زائرین اور مسافر "روح المدینہ" پلیٹ فارم کے ذریعے سوشل میڈیا پر سیاحت سے متعلق مزید تفصیلات حاصل کر سکتے ہیں۔

یاد رہے کہ اقوام متحدہ کا عالمی ادارہ برائے سیاحت (UNWTO) سن 1980 سے ہر سال 27 ستمبر کو عالمی یومِ سیاحت مناتا آرہا ہے۔/