"Hüseynin (ə) qanı hər dövrdə Yezidin qılıncına qalib gəldi"
İQNA’nın İslamazeri.az-a istinadən verdiyi xəbərə əsasən, Beyrutda təşkil olunan məclisdə iştirak edən Seyid Həsən Nəsrullah sözünün əsas yerində “Biz Amerikanın köləsi deylik. Bizim vilayətimiz var” deyərək bildirib:
“Mən imam Zaman (ə.f) və hikmətli rəhbər Ayətullah Seyid Xameneiyə baş salığı verirəm. Biz 1400 ildir ağladığımız kimi yenə Hüseynə (ə) ağlayacaq və o həzrətlə beyətimizi təzələyəcəyik. Bu böyük gündə elan edirəm ki, məzlum və səbirli Fələstin xalqının yanındayıq və onların inqilabını tam şəkildə dəstəkləyirik. Dünyanın bütün azad insanlarından Fələstin xalqını və onların qanuni haqqlarını dəstəkləməyə çağırıram. Digər tərəfdən Amerika əleyhinə olan cihadımız da davam edir. Nə Netanyahu, nə də başqası müqavimətin qarşısında dura bilməz".
"Hizbullah" lideri təkfirçilərə qarşı əməliyyatlara dəstək verəcəklərini də çıxışında qeyd edib: "Bu cəmiyyətin adından elan edirəm ki, verdiyimiz qurbanların sayı artsa da, təkfirçilər əleyhinə cihadımız dayanmayacaq və şübhəsiz geri çəkilmədən onları məğlub edəcəyik".
Yəmən hadisələrinə işarə edən Seyid Nəsrullah: "Biz bu gün həmçinin Amerika və Səudiyyənin məzlum Yəmən xalqına etdiyi təcavüzü də məhkum edirik. Biz bu gün Yəmən xalqının əfsanəvi müqaviməti ilə fəxr edir və onların pak qanının tağutun qılıncına qalib gələcəyini deyirik" deyə bildirib.
Müqavimət lideri Səudiyyə və Bəhreyn rejimlərini də çıxışındam məhkum edib: "Biz həmçinin Ali Xəlifənin Bəhreyn xalqına etdiyi zülümləri də məhkum edirik. Bəhreyn xalqı zorakılıqların artmasına baxmayaraq öz azadlığı və hüquqlarının müdafiəsi üçün geri çəkilməyən bir xalqdır. Biz Minada həyatını itirmiş əzizlərimizi də anırıq. Səud rejiminin səhlənkarlığı səbəbilə canını itirən hacıları dərin hüznlə yad edirik. Biz bu hadisənin araşdırılmasını tələb edirik".
Seyid Həsən Nəsrullah sonra deyib: "İraq xalqına üzümü tutub deyirəm: ABŞ-ın və başqa hiyləgərlərin sözlərinə aldanmayın. Yalnız siz öz iradəniz və imam Hüseynin (ə) adı ilə İŞİD-i məğlub edə bilərsiniz. Biz hüseynçi və zeynəbçilər meydanı heç vaxt boş qoymayacağıq. İsrail və təkfirçilərlə mübarizə bizi sarsıda bilməz. Biz xalqımızın dünya və axirətdə səadətini qazanmaq üçün gecə gündüz çalışacağıq. ABŞ-ın güclü silahı ola bilər, amma bizim isə vəliyyi fəqihimiz var və fəqihin vilayəti ilə ağalıq edirik. Biz Hüseynin yavərləriyik.
