Fransada məscidə və müsəlmanlara hücum etdilər, Quranı yandırdılar
İQNA-nın (Beynəlxalq Quran Xəbər Agentliyi "tribune" xəbər və informasiya portalına istinadla verdiyi xəbərə görə, dünən, həftənin Cümə günü (25 Dekabr 2015) Parisdə məscidə hücum edən ifratçı nümayişçilər məsciddə olan Quranı da yandırmağa cəhd ediblər. Hadisə yerinə polis əməkadaşları cəlb olunub. Onlar hücumun qarşısını alıblar və iki yanğınsöndürən, bir polisin yaranlandığına etiraz aksiyasını təşkil edənlərin cəzalandırılacağını söyləyiblər.
Məsciddən sonra aksiya iştirakçılarının bir qismi paytaxtda yerləşən yanğınsöndürənlərin yaralandığı məhəlləyə doğru yürüşə başlayıblar. "Ərəblər bayıra", "Bura bizim evimizdir" kimi şüarlar səsləndirən etirazçıların hirsi soyumayıb. Onlar yenidən məscidə gedərək, içərisində Quranın da olduğu bir neçə kitabı yandırıblar.
Fransanın baş naziri Manuel Valls təcavüzünün "mesəlmanlara qarşı qəbul edilməz bir hücum" olduğunu söyləyib. Fransız mediasında yayılan məlumatlara görə, mesəlmanlar bəzi maskalı gənclərin hücumuna məruz qalıblar.
Fransanın daxili işlər naziri Bernard Cazeneuv hər iki hücumda cinayətkarların həbs olunacağını deyib. Nazir, həmçinin, Fransada "irqçilik və əcnəbi düşmənçiliyinin" yeri olmadığını da qeyd edib.
Fransada analoji hal ötən ayın 17-də də olub. Belə ki, Fransada baş verən terror hadisəsindən sonra burada yaşayan müsəlmanlara hücum olub. Terror hadisəsində 129 nəfərin ölməsində günahı fransızlar müsəlmanlarda gördükləri üçün bir çox yerlərdə onlara qarşı etirazlar keçirilib, hətta, müsəlmanların ölkədən getməsini istəyiblər.
