Dəməşqdə törədilən terror aktında ölənlərin sayı 76-ya çatıb

Tehran, 01.02.2016 – Suriyanın paytaxtı Dəməşqdə törədilən terror aktlarında ölənlərin sayı 76-ya çatıb, daha 110 nəfər yaralanıb.

Beynəlxalq Quran Xəbər Agentliyi (IQNA), İslam.az-a istinadla xəbər verir ki, bu barədə Suriya Daxili İşlər Nazirliyinə istinadən CCTV telekanalı məlumat yayıb.

Suriyanın paytaxtının Seyyidə Zeynəb məhəlləsində bazar günü üç partlayış törədilib. Bir partlayış məsafədən işə salınmaqla avtomobilə yerləşdirilmiş bomba ilə törədilib. Eyni vaxtda yaxınlıqdan keçən marşrut avtobusunda terrorçu-kamikadze özünü partladıb. Bir neçə dəqiqə sonra daha bir terrorçu özünü partladıb.