Fələstinli atadan Trampa qeyri-adi etiraz
Donald Trampın Qüdsü İsrailin paytaxtı elan etməsi qərarına daha bir etiraz fələstinli ailədən gəlib. Üçəm övladları dünyaya gələn Nidal və İslam əl-Siqali cütlüyü övladlarına kreativ adlar qoyublar.
İQNA-nın (Beynəlxalq Quran Xəbər Agentliyi) verdiyi xəbərə görə, ABŞ prezidenti Donald Trampın Qüdsü İsrailin paytaxtı elan etməsi qərarına daha bir etiraz fələstinli ailədən gəlib. Üçəm övladları dünyaya gələn Nidal və İslam əl-Siqali cütlüyü övladlarına kreativ adlar qoyublar.
Maide.Az bildirir ki, FaktXəbər-in məlumatına görə, yeni doğulan körpələrə Qüds, Fələstin və Paytaxt adları verilib. Bu adlar Qüdsün Fələstinin paytaxtı mənasını ehtiva edir.
Fələstinin Xan Yunus qəsəbəsində yaşayan Nidal bildirib ki, övladlarına qoyduğu ad Trampın məlum qərarına etiraz və Fələstinə dəstək xarakteri daşıyıb: "Gördüyüm iş kifayət deyil. Fələstin üçün özümü, uşağımı, həyat yoldaşımı və hər birimizi fəda edərəm".
