Kualalampurda Fələstin xalqına dəstək toplantısı keçirildi
İQNA-nın (Beynəlxalq Quran Xəbər Agentliyi) verdiyi xəbərə görə, Malaziyanın Müsəlman Gənclər Hərəkatının üzvləri Kualalampurda BMT-nin (Birləşmiş Millətlər Təşkilatı) qərargahı önündə Fələstin xalqı ilə həmrəylik toplantısı keçiriblər.
Malaziyanın Müsəlman Gənclər Hərəkatının rəisi Məhəmməd Əbdüləziz toplantıda çıxış edərək deyib: Fələstin xalqının qarşılaşdığı bütün problemlərlə mübarizədə onların yanındayıq. Fələstin millətinə sülh, müstəqillik və inkişaf əldə edənə qədər dəstək olacayıq.
Malaziyanın Müsəlman Gənclər Hərəkatı BMT (Birləşmiş Millətlər Təşkilatı)-na məktub yazaraq BMT-nin (Birləşmiş Millətlər Təşkilatı) Təhlükəsizlik Şurasının 2334-cü qətnaməsinə əməl edilməsini və həmçinin sionist rejimin başçılarının beynəlxalq məhəkəmədə sorğulanmasını tələb edib.
BMT-nin (Birləşmiş Millətlər Təşkilatı) Təhlükəsizlik Şurasının 2334-cü qətnaməsinə əsasən sionist rejimi işğal etdiyi ərazilərdə qəsəbə sala bilməz. Buna görə də ən tez zamanda qəsəbələr yəhudilərdən boşaldılmalıdır.
