Sionist rejimi qədim İslami kitabları oğurlayır – Video
Sionist rejiminin kitabxanasının internet səhifəsi üzərindən bu əsərləri hamı müşahidə edə bilər.
Müsəlmanların qədim mənəvi və elmi irsi sayılan bu əlyazma nüsxələr sionist rejimi tərəfindən Fələstindən və digər ölkələrdən oğurlanaraq kitabxanaya gətirilib.
İşğalda olan Qüds şəhərindəki bu kitabxanada müxtəlif dinlərə, xüsusi ilə də yəhudiliyə aid olan 5 milyon əlyazma nüsxə saxlanılır.
1982-ci ildə yəhudi xeyriyyəçilər tərəfindən tikilmiş bu kitabxana İbri dilində dünyanın ən böyük kitabxanası sayılır.
Bu kitabxana dünyanın 19 ölkəsinin 26 müəssisəsi tərəfindən təsis edilən "dünya elektron kitabxanası"nın təsisçilərindən biridir.
Son günlərdə kitabxana elan edib ki, Fars, Ərəb və Türk dillərində İslam və müsəlmanlara aid 2500 əlyazma nüsxə bu kitabxananın arxivində saxlanılır. Kitabların çoxu miladın 9-cu əsrində aiddir və araşdırmaçılar kitabxananın internet səhifəsi vasitəsi ilə bu kitabları müşahidə edə bilərlər.
Qeyd edək ki, bütün bu əsərləri İsrail yəhudiləri 1948-ci ildən başlayaraq müxtəlif ölkələrdən, o cümlədən Mərakeş, Keşmir, Afrika, İndoneziya (Cavə), Fələstin, İran, Türkiyə, İraq və Yəməndən oğurlayaraq kitabxanaya toplayıblar. Bu kitabxanada Fələstinin müxtəlif şəhərlərindən oğurlanmış 80 min qədim kitab, jurnal və qəzet nüsxələri var.
Bu kitabxananın oğurlanmış əsərlərlə təsis edilməsi barədə yazılı sənədlər və VİDEO materialları mövcuddur.
Qüdsün kitabxanasında 9-cu əsrdən 19-cu əsrədək yazılmış 300 qədim Quran nüsxəsi var. Bu Quran nüsxələrindən biri də İrana aiddir. Həmin nüsxə 19-cu əsrdə Farsca tərcümə ilə kitabət edilib. Ayələr qara rənglə, tərcüməsi isə qırmızı rənglə yazılıb. İranın Sənəndəc əhalisi bu Quran nüsxəsini Zəndiyyə hakimiyyətinin əmiri və o zaman İranın Rusiyadakı səfiri Məhəmməd Xana hədiyyə vermişdilər. Həmin hakimin şəkili də o Quran nüsxəsi ilə birlikdə saxlanılır. 3903938
