İQNA, "Əl-yəvmus-sabi"-ə istinadən xəbər verir ki, Misir Pravoslav Kilsəsində Dinlərarası Dialoq Mərkəzi, şənbə günü, noyabrın 6-da açılıb. Bu açılış, Misirin Anqlikan Yepiskop Kilsəsinə bağlı İsgəndəriyyə yeparxiyalarının rəhbəri Sami Fövzinin və pravoslav xristian ruhanilərindən biri (Batrik) II Teodorun iştirakı ilə baş tutub.
Sami Fövzi, bu addımı, dinlərarası dialoq fəaliyyətinin zənginləşdirilməsi istiqamətində mühüm addım kimi qiymətləndirib.
O, əlavə edib ki, Yepiskop kilsəsi, "Mətran Munir Həna" İslam-Xristian Araşdırmaları Mərkəzini açmağa çalışır. Misir kilsələrinin islam-xristian araşdırmalarına marağı, İslam və xristianlıq arasındakı əlaqəni gücləndirir.
Bu məlumata görə, yeni yaradılan "Dinlərin Öyrənilməsi və Dialoq Mərkəzi", dinlərarası dialoq sahəsində səmərəli fəaliyyət göstərmək, Yaxın Şərq Kilsələr Şurası və Misir Kilsələri Şurasına xidmət göstərmək məqsədi daşıyır.