IQNA

Əlcəzair Quran müsabiqəsinin ilkin mərhələsi başlayıb

10:02 - December 09, 2022
Xəbər sayı: 3493388
Əlcəzairin Vəqflər və Dini İşlər Nazirliyi, dekabrın 7-də ölkənin müxtəlif bölgələrində Əlcəzairin Quran hifzi yarışlarının ilkin mərhələsinin başladığını elan edib.

"İQNA", Əlcəzair rəsmi xəbər agentliyi-nə istinadən xəbər verir ki, bu yarışlar Əlcəzairin müxtəlif vilayətlərində keçirilir. Bu yarışların qalibləri “2023-cü ildə Quranın əzbəri və təfsiri üzrə beynəlxalq Əlcəzair mükafatı müsabiqəsi”, “Əlcəzairdə Quranın əzbəri, təcvidi və təfsiri üzrə milli müsabiqələr” və “bu ölkənin Gənc Quran hafizləri üçün həvəsləndirici yarışlar”da iştirak edəcəklər.

Əlcəzairin Vəqflər və Dini İşlər Nazirliyinin açıqlamasına görə, bu yarışlar qadınlar və kişilər arasında iki kateqoriyada keçiriləcək. İştirakçılar isə “Vərşin Nafedən” rəvayətinə əsasən bütün Quranı əzbərləməli və təcvidin qayda və qaydalarını mənimsəməlidirlər.

Həmçinin, bu yarışların digər şərtlərindən biri də iştirakçının yaşının Əlcəzair Mükafatı beynəlxalq Quran müsabiqəsinin keçirildiyi vaxta qədər 15 yaşdan 25-ə qədər, Əlcəzair milli müsabiqəsi zamanı isə 25 və daha yuxarı olmasıdır.

Bu açıqlamada bildirilir ki, maraqlananlar Əlcəzairin müxtəlif bölgələrindəki vəqf və dini işlər idarələrinə gələrək müsabiqələrin ilkin mərhələsinin nə vaxt keçiriləcəyini öyrənə bilərlər.

4105477

Ad:
E-poçt:
* Comment:
captcha