Malayziyanın qızıl medalı ağıllı namaz xalçasının ixtiraçısına verilib

Qətərli ixtiraçı Əbdür-Rəhman Xəmis aparıcı ixtira, innovasiya və texnologiya sərgisi olan ITEX Malaysia 2023-də qızıl medal qazanıb. Bu, onun bu ağıllı maarifləndirici namaz xalçasına görə aldığı üçüncü mükafatdır.

"İQNA", "The Peninsula Qatar"-a istinadən xəbər verir ki, bu səccadə yeni müsəlmanlara və uşaqlara namaz qılmağı öyrətmək məqsədi daşıyan dünyada ilk ağıllı səccadə kimi tanınır.

Səccadə beş vaxt namaz, eləcə də müstəhəb namazlar haqqında məlumat vermək üçün müasir texnologiyadan istifadə edir.

Bu səccadə LED ekranı və daxili dinamikləri vasitəsilə namazın hər rükətində ibadət edənin nə oxumalı olduğunu göstərmək üçün səs və mətndən istifadə edir.

Sözügedən səccadə həmçinin DEHB olan uşaqların ehtiyaclarını ödəmək üçün interaktiv xüsusiyyətlər də daxil olmaqla hərtərəfli imkanlara malikdir. Onun həmçinin diz və ya oynaq ağrısı olan insanlar üçün sürüşməyə qarşı təbəqə və üç fərqli dil seçimi də var.

Bu yenilik xüsusilə İslam təlimlərinin gələcəyi üçün öncüllük təşkil edir. Çünki o, uşaqlara və yeni müsəlmanlara namazın prinsiplərini öyrətmək üçün əlçatan və müasir yanaşma təklif edir.

4142223