Mərakeşdə zəlzələdən zərər çəkən uşaqların Quran tilavəti
"İQNA", "Lalə Fatimə"-yə istinadən xəbər verir ki, sosial şəbəkə istifadəçiləri arasında mərakeşli zəlzələdən əziyyət çəkən uşaqların hökumətdən yardım aldıqdan sonra Qurani-Kərimdən ayələri oxuduqları video yayılıb.
Mərakeş və digər ərəb ölkələrindəki sosial media istifadəçiləri uşaqların bu hərəkətini tərifləyərək bunu dini tərbiyə və gözəl əxlaq əlaməti kimi qiymətləndiriblər. Bir çoxları zərərin bərpası və zərər çəkmişlərə yeni mənzillərin verilməsi üçün yardımların artırılmasını istəyiblər. Xüsusən də payız fəslidir və soyuq hava yaxındır.
Bu münasibətlə Fransanın “Bulart” stadionunda Mərakeş və Burkina-Faso hazırlıq oyununun tamaşaçıları kollektiv Fatihə oxuyublar. Bu addım son zəlzələ zamanı Mərakeş xalqı ilə həmrəyliyi ifadə etmək və bu faciəli hadisədə həlak olanların ruhunu şad etmək məqsədilə həyata keçirilib.
4168906
