Qədir məscidi; Cöhfə miqatında Həzrət Peyğəmbərdən (s) qalan bir yadigardır
Qədir hadisəsi İslam tarixinin ən böyük hadisələrindən biridir. Cöhfə bölgəsindən təxminən beş kilometr aralıda (Məkkədən Mədinəyə gedən yolda) yerləşən Qədir məscidi də İslam dünyasında bu böyük hadisəyə işarədir. Baxmayaraq ki, bu gün bu diyar səhradır və vəhhabi cərəyanları onu beyinlərdən silməyə çalışırlar, lakin Qədir-Xum bölgəsi Peyğəmbərin (s) vida ziyarəti zamanı İslam tarixinin ən böyük hadisələrindən birinə, şahidlik etmişdir. O, müsəlmanların yaddaşından heç vaxt silinməyəcək.
