Qəzza zolağında uşaq fəlci əleyhinə peyvənd kampaniyası başlayır
Fransa xəbər agentliyinin verdiyi məlumata görə, sionist rejimin Qəzza zolağında hərbi əməliyyatların müvəqqəti dayandırılması ilə bağlı razılığa gəldiyi elan edildikdən sonra Qəzzanın mərkəzində uşaq fəlci əleyhinə peyvənd kampaniyası başlayıb.
Bununla əlaqədar olaraq, Qəzza Səhiyyə Nazirliyinin İlkin Səhiyyə Xidmətlərinin direktoru Musa Abid, Səhiyyə Nazirliyi qrupları, Birləşmiş Millətlər və qeyri-hökumət təşkilatları ilə birlikdə şənbə günü uşaq fəlci peyvəndi kampaniyasına start verildiyini açıqladı.
Bundan əvvəl Əl-Cəzirə xəbər kanalı sionist rejimin Qəzzada uşaqların peyvənd edilməsi üçün üç günlük “humanitar fasilə” ilə razılaşdığını bildirmişdi.
Ümumdünya Səhiyyə Təşkilatı Qəzzanın su və kanalizasiya sistemlərində uşaq fəlci virusuna dair dəlillər tapdıqdan sonra ona bir milyon dozadan çox uşaq fəlci peyvəndi göndərib.
Qəzzada 25 ildə doğulan körpədə ilk uşaq fəlci hadisəsinin görülməsinin təsdiqlənməsindən sonra Ümumdünya Səhiyyə Təşkilatı bölgədəki yüz minlərlə uşağın uşaq fəlci xəstəliyinə qarşı peyvənd oluna bilməsi üçün müharibənin müvəqqəti və regional olaraq dayandırılacağını açıqladı.
4234394
