Efiopiyada hicab qadağası pislənib
"Addis Standard" internet saytının verdiyi məlumata görə, Tigray İslami İşlər üzrə Ali Şura hicab qadağası məsələsi həll olunmazsa, İslam qurumları ilə məsləhətləşərək qanuni tədbirlərə əl ata biləcəyini açıqlayıb.
Tigrayın inzibati paytaxtı Mekelledən verilən açıqlamada şura Federal Təhsil Nazirliyinin müsəlman tələbələr üçün geyim qaydaları ilə bağlı göstərişlərinə əməl etməyə çağırıb.
Bu şura əsas hüquqlara, insan hüquqlarına və regional qanunlara hörmətin vacibliyini vurğulayaraq, “hicaba qadağanın vətəndaşların əsas hüquqlarını, konstitusiyanı, Milli Təhsil Nazirliyinin göstərişlərini və regional qanunlarımızı pozduğunu” ifadə etdi.
Şura, məktəb nizamnamələrinin konstitusiyaya uyğun olması lazım olduğunu və hicab tələbinin Milli Təhsil Nazirliyinin qaydalarına uyğun idarə olunmasını gözlədiklərini vurğuladı.
Tiqraydakı İslam Məsələləri Şurasının katibi Hacı Məhəmməd Kahsay hicab məhdudiyyətinin 12-ci sinif şagirdlərinə qeyri-mütənasib şəkildə təsir etdiyini, bəzi şagirdlərin məktəb binasına daxil olmasına icazə verilmədiyi üçün milli imtahanlara yazıla bilmədiklərini söylədi.
O, əlavə edib ki, Tiqrayda mövcud siyasi və ekoloji problemlər fonunda dini böhran yaratmaq regionda qeyri-sabitliyi gücləndirmək riski daşıyır. Şura tələbələrə qoyulan qadağanın nəticələrini vurğulayaraq deyib: “Sadəcə şəxsiyyətlərini əks etdirən hicab taxdıqları üçün onların məktəbə getməsinə mane olmaq qanunsuz və ədalətsizlikdir”.
Efiopiyanın İslam İşləri üzrə Ali Şurası Aksumda hicablı olduqları üçün dərslərə gedə bilməyən müsəlman tələbələrin vəziyyəti ilə bağlı “heç bir həll yolu tapılmadığını” açıqlayıb.
Müsəlmanlar Efiopiya əhalisinin təxminən 34-40 faizini təşkil edir. İslam pravoslav xristianlıqdan sonra ölkədə ikinci ən böyük dindir.
Efiopiyadakı müsəlmanlar tarix boyu əhəmiyyətli bir varlığa malik olsalar da, sosial-siyasi və iqtisadi marjinallaşma ilə üzləşmişlər. Həmçinin bu da zaman-zaman dini və siyasi hüquqları ilə bağlı gərginliyə səbəb olmuşdur.
4258562
