Brüssel kilsəsi Qəzza tərəfdarlarının üzünə qapı açıb
“İQNA”-nın “Anadolu” agentliyinə istinadən verdiyi məlumata görə, Belçikanın paytaxtı Brüsselin mərkəzindəki Müqəddəs Yekaterina məhəlləsində yerləşən və şəhərin sosial məsuliyyətinin simvollarından biri olan və həmçinin Avropa Birliyi qurumlarının yerləşdiyi Beguinage Kilsəsi iyunun 16-dan 21-dək qapılarını “Qəzza xalqı üçün ədalət və insanlıq simvolu”na dəstək verən aksiyaçılara açacaq. Bu qərar Pastor Daniel Allittin rəhbərliyi altında qəbul edilib.
Kilsənin girişində “Soyqırımı dayandırın” sözləri yazılmış qırmızı lent çəkilib.
Beguinage kilsəsinin sosial media hesablarında bu qırmızı lent kilsənin Fələstində zorakılığa və mütəşəkkil zorakılığa qarşı güclü mövqeyini vurğulamaq üçün simvol olaraq təqdim edilib.
Kilsənin rəsmi bəyanatlarında deyilir: “Qəzzada zorakılıq qarşısında həm sözdə, həm də əməldə qırmızı xəttinizi müəyyənləşdirin”.
Pastor Daniel Alit “Anadolu” agentliyinə müsahibəsində deyib: “Dünyada sülh olana qədər biz başqa heç bir yerdə, o cümlədən xristian dünyasında sülh gözləyə bilmərik”.
O, soyqırımın dayandırılmasının qlobal zərurətini vurğulayaraq, kilsənin qapılarını aclıq aksiyası təşkilatçılarının üzünə açdı və təsirli tədbirlər görülməsə, bəşəriyyətin yox olmaq təhlükəsi ilə üzləşəcəyi barədə xəbərdarlıq etdi.
4286694
