Donald Trampın Qəzzə üçün planına Fələstin və Müqavimət Qruplarının Cavabı
“İQNA”-nın “Vəfa” agentliyinə istinadən verdiyi xəbərə görə, xəbər mənbələri bildirdilər ki, Fələstin Milli Administrasiyası Donald Trampın Qəzzədə atəşkəs təşəbbüsünü alqışlayan bir bəyanat yayıb.
Milli Administrasiya bəyanatda Trampın Qəzzədə atəşkəsin təmin edilməsi planını alqışlayaraq ABŞ prezidentinin sülh yolunu tapmaq qabiliyyətinə və bölgədə sülhün əldə olunmasında Amerika Birləşmiş Ştatlarının iştirakı əhəmiyyətinə vurğu edib.
Milli Administrasiya əlavə edib ki, ABŞ və bölgə ölkələri ilə əməkdaşlıq edərək Qəzzədə müharibəni genişmiqyaslı razılaşma vasitəsilə sona çatdırmaq istəyir — belə bir razılaşma yetərli humanitar yardımların Qəzzəyə daxil olmasını, əsirlərin azad edilməsini, fələstin xalqına dəstək mexanizmlərinin yaradılmasını və atəşkəsə hörmət olunmasını əhatə etməli, həmçinin hər iki tərəfin təhlükəsizliyini təmin etməlidir.
Bu administrasiya həmçinin silahsız, demokratik, müasir, çoxtərəfliliyə sadiq və sülh yolu ilə hakimiyyətin ötürülməsini təmin edən bir dövlətin yaradılmasını tələb etdiyini vurğulayıb. Trampın müharibəni sona çatdırma təklifi Həmasın əlinə çatdırıldı
“Əl-Cəzirə” telekanalının gizli qalmasını xahiş edən diplomatik mənbəyə istinadla yaydığı məlumatda bildirilir ki, Qətər və Misir vasitəçilər kimi Ağ Evin Qəzzədə müharibəni sona çatdırmaq üçün hazırlanmış planının mətnini Həmas nümayəndə heyətinə çatdırıblar.
Əl-Cəzirə həmin məlumat mənbəyinə istinadla əlavə edib ki, Həmasın danışıqlar heyəti vasitəçilərə bu təklifi tam məsuliyyətlə nəzərdən keçirəcəklərini bildirib.
Həmasın yüksək üzvü Mahmoud Mirdavi bazar ertəsi gecə verdiyi açıqlamada bildirib ki, biz digər fələstinli qruplarla birlikdə ABŞ planını nəzərdən keçiririk; Trampın planı bizə və digər fələstinli tərəflərə təqdim olunmayıb.
O əlavə edib: “Bu təklif barədə əvvəlcədən heç bir məlumatımız olmayıb, ancaq onun mətninin İsrailin mövqeyinə yaxın olduğunu nəzərə almışıq. Müqavimətin silahı kiməsə hücum etmək və ya təcavüz etmək üçün deyil; məqsədi azadlıq və müstəqilliyin təmin edilməsidir. Trampın planında yer alanlar çox qeyri-müəyyəndir və zəmanətsizdir”.
Həmasın yüksək üzvü bildirib: “Öz müqəddəratını məhz fələstinlilərin müəyyən etmədiyi və onları qırğından və soyqırım təhlükəsindən qorumağa zəmanət verməyən hər hansı təkliflə razılaşmayacağıq. Amerika-İsrail planı — bölgəni partladacaq reseptdir”.
Fələstin İslami Cihad Hərəkatının baş katibi Zeyad əl-Nakhala verdiyi açıqlamada bildirib ki, Donald Trampın Qəzzə üçün planı İsrail planıdır və Fələstin xalqına qarşı təcavüzün davam etdirilməsi üçün reseptdir.
O deyib: “Donald Tramp və Benyamin Netanyahunun mətbuat konfransında elan etdikləri, Amerikanın və İsrailin ortaq razılaşmasıdır və İsrailin tələblərindən ibarətdir”.
O əlavə edib: “Bu, Fələstin xalqına qarşı təcavüzün davam etdirilməsi üçün bir reseptdir və İsrail müharibə yolu ilə əldə edə bilmədiyini indi ABŞ vasitəsilə əldə etməyə çalışır”.
“Əl-Nakhala” bu Amerika-İsrail planını regionu partladacaq bir versiya hesab etdiklərini bildirib. Trampın planı müqavimətin təslim olma versiyasıdır.
Yəmənin Ansarullah hərəkatının siyasi büro üzvü Məhəmməd əl-Fərəc verdiyi açıqlamada bildirib ki, Donald Trampın Qəzzə üçün planı həyata keçirilməzdir və əsas məqsədi Həması sıradan çıxarmaq və məsuliyyəti bu hərəkatın üzərinə atmaqdır.
O deyib: “Bu plan İsrailə qarşı dünya qəzəbini yumşaltmaq və Fələstin xalqına beynəlxalq həmrəyliyi zəiflətmək məqsədi daşıyır”.
Trampın planı “Böyük İsrail” adlanan layihənin yolunu açır
Yəmən “Ənsarullah” hərəkatının yüksək səviyyəli üzvü Nəsrəddin Amir də açıqlamalarında vurğulayıb ki, Donald Trampın Qəzza ilə bağlı planının qəbul edilməsi, Fələstinə tarix boyu vurulan ən ağır zərbədir.
Amir deyib: “Heç bir ərəb və islam təşkilatı, hətta müqavimət də Fələstin torpağının bir qarışından belə vaz keçmək haqqına malik deyil”.
O qeyd edib: “Hətta müqavimət və onun yanında dayananlar da Fələstini və onun müqəddəslərini azad etmək üçün Allah yolunda cihad ediblər və bir qarış torpaqdan belə imtina etmək haqqına sahib deyillər”.
Yəmənin “Ənsarullah” hərəkatının yüksək səviyyəli üzvü bildirib: “Fələstinin azadlığı uğrunda cihaddan boyun qaçıran, hətta bəziləri sionist rejimin xeyrinə sui-qəsd edənlər bu gün Fələstin amalına ağır zərbə vuran Amerika–sionist planını alqışlayırlar”.
Amir vurğulayıb: “Bu plan 2 milyon fələstinlinin Qəzza zolağından qovulmasına, fələstinlilərə yeni bir “nəqba”nın (faciə) yüklənməsinə və “Böyük İsrail” adlanan layihənin həyata keçirilməsinə yol açacaq”.
Yəmənin “Ənsarullah” hərəkatının yüksək səviyyəli üzvü, həmçinin Fələstin İslami Cihad hərəkatının baş katibi Ziyad ən-Nəxalənin mövqeyinə münasibət bildirərək deyib: “Bu, cəsur və tarixi bir mövqedir və sübut edir ki, Fələstin müqaviməti təzyiq və hədələrə baxmayaraq, Fələstinin taleyi üzərində heç bir güzəşt və alverə getmir”.
Amir əlavə edib: “Bütün ərəb və islam xalqlarının vəzifəsi budur ki, Fələstini, islam müqəddəslərini, regionu və xalqlarının taleyini hədəfə alan bu təhlükəli plana qarşı etiraz və narazılıqlarını ucadan bəyan etsinlər”.
O əlavə edib: “Bu rejimlər gedəcək, amma əgər xalqlar sionistlərin bu bölgəyə hakim olmasını qəbul etsələr, tarix boyu əzab çəkəcəklər”.
Ağ Ev isə ötən gecə, sentyabrın 29-da ABŞ prezidenti Donald Tramp ilə sionist rejimin baş naziri Benyamin Netanyahu arasında keçirilən birgə mətbuat konfransından bir neçə saat sonra, Qəzza zolağındakı müharibəyə son qoymaq üçün Trampın 20 maddədən ibarət planının mətnini açıqlayaraq iddia edib ki, bu plan tərəflər tərəfindən qəbul edilərsə, dərhal müharibənin dayandırılmasına səbəb olacaq.
4307916
