İordaniya Qəzzada humanitar fəlakətin qarşısını almaq üçün təcili tədbir tələb etdi

İQNA – İordaniya Qəzza zolağında humanitar fəlakətin daha da şiddətlənməsi barədə xəbərdarlıq edərək, beynəlxalq ictimaiyyəti sərt hava şəraitinin nəticələri və sionist rejimin humanitar yardımların daxil olmasına qoyduğu davamlı məhdudiyyətlərlə mübarizə üçün dərhal hərəkətə keçməyə çağırıb.

“İQNA”-nın “Fələstin” İnformasiya Mərkəzinə istinadla verdiyi xəbərə görə, İordaniya Xarici İşlər Nazirliyi bəyanatında vurğulayıb: “Sionist rejim bütün maneələri dərhal və davamlı şəkildə aradan qaldırmalı, kifayət qədər humanitar yardımın Qəzzanın bütün bölgələrinə çatmasına imkan verməlidir”. 

İordaniya Xarici İşlər Nazirliyinin sözçüsü Fuad əl-Məcali vəziyyətin ağırlaşmasına işarə edərək, onu misilsiz humanitar fəlakət adlandırıb və bildirib ki, hazırkı şərait beynəlxalq səviyyədə hərəkət tələb edir ki, Təl-Əviv keçid məntəqələrini açmağa məcbur edilsin. 

O həmçinin işğalçı rejimin beynəlxalq hüquqa əsaslanan öhdəliklərinə riayət etməsinin vacibliyini vurğulayıb və yardım təşkilatlarının, xüsusilə Fələstin qaçqınları üçün BMT-nin Yardım və İş Agentliyinin (UNRWA) sərbəst fəaliyyət imkanının təmin olunmasını, fələstinlilərə yardım göstərməsini tələb edib. 

4326151