Əli Laricani şəhid oldu
“İQNA”-nın məlumatına görə, Ali Təhlükəsizlik Şurasının katibi Əli Laricani oğlu və bir neçə mühafizəçisi ilə birlikdə şəhadət məqamına ucalıb.
Ali Təhlükəsizlik Şurası Katibliyinin bəyanatı belədir:
Bismillahir-Rahmənir-Rahim
«مِنَ المُؤمِنينَ رِجالٌ صَدَقوا ما عاهَدُوا اللَّهَ عَلَيهِ فَمِنهُم مَن قَضىٰ نَحبَهُ وَمِنهُم مَن يَنتَظِرُ وَما بَدَّلوا تَبديلا»
Əziz və başıuca İran xalqı!
«Allahın bəndəsi Allaha qovuşdu.»
Şəhidlərin pak ruhları, Allahın saleh bəndəsi, şəhid doktor Əli Laricaninin mübarək ruhunu qucaqladı və o, ömrünü İranın və İslam İnqilabının ucalmasına həsr etdikdən sonra nəhayət uzun illər arzuladığı məqama çatdı, Haqqın dəvətinə “ləbbeyk” dedi və xidmət səngərində şərəflə şəhadət nemətinə nail oldu. O, şəhidlərin imamı Ramazan ayının sahibi, möminlərin əmiri Əli (ə), Amerika və İsrailə qarşı cihad və şəhadət karvanının rəhbəri Ayətullah Seyid Əli Xamenei, şəhid müəllimi Ayətullah Mütəhhəri və şəhid silahdaşları Seyyid Həsən Nəsrullah və Hac Qasim Süleymaniyə qoşuldu.
O, ömrünün son anına qədər “Kəlimeyi-Tövhid”in ucaldılması, İranın inkişafı və izzəti üçün çalışdı, xalqı və məsulları daim birliyə və düşmən qarşısında həmrəyliyə çağırdı. Nəhayət, mübarək Ramazan ayının sübh çağı mömin oğlu Mürtəza, Ali Təhlükəsizlik Şurası Katibliyinin təhlükəsizlik üzrə müavini Əlirza Bəyyat və bir qrup igid mühafizəçi ilə birlikdə ali şəhadət məqamına yüksəldilər.
Haqq yolunun mücahidlərini qəti qələbə gözləyir və bu şəhadətlər milləti və ümməti həmin ilahi kişilərin yolunu davam etdirməkdə daha da qətiyyətli edəcək.
Şəhadət mübarək olsun — onun illərlə çəkdiyi mübarizə bu böyük feyzdən az deyildi.
Ruhu şad, yolu daim davamlı olsun.
«فَانْتَقَمْنَا مِنَ الَّذِينَ أَجْرَمُوا وَكَانَ حَقًّا عَلَيْنَا نَصْرُ الْمُؤْمِنِينَ»
Ali Təhlükəsizlik Şurası Katibliyi
18 mart 2026
4341535
