100 beynəlxalq hüquq eksperti: ABŞ-ın İrana hücumları müharibə cinayəti hesab oluna bilər
“İQNA”-nın “əl-Məyadin”ə istinadən verdiyi məlumata görə, beynəlxalq hüquq mütəxəssisləri bu məktubda bildiriblər: “ABŞ-ın İranda məktəblərə, tibbi mərkəzlərə və yaşayış evlərinə qarşı həyata keçirdiyi hücumlar bizi ciddi şəkildə narahat edir.”
Bu məktub ABŞ Prezidenti Donald Trampın bir daha İranın mülki obyektlərinə hücum edəcəyi ilə bağlı təhdidindən sonra yayımlanıb.
100-dən çox amerikalı beynəlxalq hüquq eksperti qeyd edib ki, ABŞ administrasiyasının yüksək vəzifəli rəsmilərinin bəyanatları beynəlxalq insan hüquqlarının pozulması, o cümlədən müharibə cinayətlərinin baş verməsi ehtimalı ilə bağlı ciddi narahatlıqlar yaradıb.
Ekspertlər xüsusilə məktəblərə, tibbi mərkəzlərə və yaşayış binalarına endirilmiş zərbələrə diqqət çəkiblər; o cümlədən qarşıdurmanın ilk günlərində İranda bir məktəbə edilən hücuma. Məktub həmçinin BMT Nizamnaməsinin və müharibə qanunlarının pozulması ilə bağlı dərin narahatlıqları ifadə edir.
4344105
