İvrit mediasının sorğusu: İsrail və ABŞ İranla müharibəni uduzdu
“İQNA”-nın “əl‑Qüds əl‑Ərəbi”yə istinadən verdiyi məlumata görə, “Walla” və “Maariv” qəzetlərinin birgə keçirdiyi və nəticələri dünən açıqlanan sorğuda respondentlərin 46 faizi hesab edir ki, İsrail və ABŞ İranla müharibədə qalib gəlməyib.
Buna qarşılıq yalnız 22 faiz sorğu iştirakçısı qələbə əldə olunduğunu bildirib. İsrail cəmiyyətinin əhəmiyyətli bir hissəsi həm müharibənin nəticəsindən, həm də iki həftəlik atəşkəsdən narazılıq ifadə edib.
Bu sorğu atəşkəsin elanından sonra İsrail ictimai rəyində dərin parçalanmanı göstərir. Bir çox vətəndaş hesab edir ki, müharibənin əsas hədəfləri — məsələn, İranın nüvə proqramına və ya raket qabiliyyətinə ciddi zərbə vurmaq — tam şəkildə reallaşmayıb.
“Jerusalem Post” qəzeti bu mövzunu “Alıcısı yoxdur” başlığı ilə işıqlandıraraq vurğulayıb ki, qələbə iddiaları İsrail cəmiyyətinin böyük bir hissəsi tərəfindən qəbul edilmir.
Sorğu elə bir vaxtda keçirilib ki, Netanyahu hökumətinin fəaliyyətinə və müharibənin nəticələrinə dair daxili siyasi müzakirələr daha da qızışıb və müxalifət bunu sərt tənqid üçün fürsətə çevirib.
4345666
