Ərəbistan 15 yaşından kiçik zəvvarların girişini qadağan etdi
“İQNA”-nın "VAS"a istinadən verdiyi xəbərə görə, Ərəbistan Həcc Nazirliyi açıqlayıb: "Bu gündən etibarən 15 yaşından kiçik heç bir zəvvar qəbul edilməyəcək." Bu, müxtəlif ölkələrdən olan zəvvarların üç həftə əvvəl təməttö həccini yerinə yetirmək üçün vəhy diyarına daxil olmağına baxmayaraq baş verib.
Keçmiş illərdə səudiyyəlilər 12 yaşından kiçik zəvvarların girişini qadağan etdiklərini bildirmişdilər, lakin viza verilərkən bu yaş məhdudiyyətini tətbiq etmirdilər və uşaqlara da viza verirdilər. Bu da, xüsusilə həcc günlərinin dözülməz istisində ölənlərin sayının artmasına səbəb olmuşdu.
Bunun əsasında Ərəbistan qəfil qərarla qadağa yaş həddini üç il yuxarı çəkərək 15 yaşından kiçik zəvvarların girişinin qarşısını alır. Səudiyyəlilər vurğulayıblar ki, bu şəxslər üçün 5 maydan etibarən verilmiş vizalar etibarsızdır və Ərəbistana gələcəyi təqdirdə onların hava limanında girişinə mane olunacaq.
Ərəbistan qəfil qərarla həcc zəvvarlarının girişi üçün yaş məhdudiyyətini yalnız əcnəbilərə qarşı tətbiq edib və bu ölkənin vətəndaşlarından istisnadır.
Ərəbistanlı mədəniyyət xadimi Salman bin Saleh deyir ki, səudiyyəlilər Ərəbistanın iqlim şəraitinə uyğunlaşıblar və məsafənin qısa olmasını nəzərə alaraq həcc günlərində uşaqlar üçün problem yaranmır.
Buna qarşı Pakistan Həccin İcra İşləri üzrə direktoru Qadir Tah deyir: "Ya hamı üçün eyni qanun qoyun, ya da heç kəsi buraxmayın. 50 dərəcə isti fərq etmir – uşaq səudiyyəli, hindli və ya pakistanlı olsun. Bu, böhranın idarə edilməsi yox, irqi ayrı-seçkilikdir."
Ekspertlər deyirlər ki, Ərəbistan bu məhdudiyyəti zəvvarlar gəlməmişdən əvvəl elan etməli və qanunu bütün zəvvarlar üçün eyni cür tətbiq etməlidir, əks halda İslam Əməkdaşlıq Təşkilatı müdaxilə edib bu açıq ayrı-seçkiliyi ləğv etsin.
4350532
