Bağdadın imamı cüməsi: Hazırkı müharibə İslam ümmətinə qarşı döyüşdür
İQNA-nın İraq bürosunun məlumatına görə, Nəcəfi-Əşrəf elmi hövzəsinin görkəmli müdərrisi və Bağdadın cümə imamı Ayətullah Seyid Yasin Musəvi ötən günkü cümə namazı xütbələrində son siyasi və hərbi hadisələrə işarə edərək bildirib: "Bu hadisələr İran İslam Respublikası ilə ABŞ arasındakı danışıqlar prosesində mühüm dəyişikliklərdən xəbər verir. Tehran sionist rejimin Livandakı hərbi əməliyyatlarının davam etməsinə etiraz olaraq danışıqların yeni raundunda iştirakını dayandırıb."
O, dünənki xütbəsində mediada və siyasi müstəvidə ən mühüm xəbərin ABŞ prezidenti Donald Trampın 14 şərti qəbul etməsi olduğunu bildirərək deyib: "Tramp İran nümayəndə heyətinin təqdim etdiyi bu şərtləri qəbul edib və müəyyən müddət ərzində yekun razılaşmaya nail olmaq üçün "Anlaşma Memorandumu" adlı sənədi imzalayıb."
Ayətullah Musəvi əlavə edib: "Amerika mediası bəzi respublikaçı və demokrat cərəyanların narazılığı barədə xəbər verib; belə ki, bu razılaşma onlar tərəfindən ABŞ-ın danışıqlarda məğlubiyyəti və İranın üstün tərəf kimi çıxması kimi qiymətləndirilib."
Sionist rejimin mövqeyinə toxunan Ayətullah Musəvi vurğulayıb: "Sionist rejimin mövqeyi bu razılaşmaya tamamilə ziddir və bu rejimin rəsmiləri bunu siyasi və hərbi məğlubiyyət hesab edirlər. Buna görə də onlar müharibənin davam etdirilməsində və hər hansı anlaşmanın pozulmasında israrlıdırlar."
Bağdadın cümə imamı həmçinin qeyd edib: "Sionist rejimin baş naziri Binyamin Netanyahu əməldə razılaşmanın müddəalarına sadiq qalmayıb və ABŞ-ın təzyiqlərinə baxmayaraq, hərbi gərginliyi artırmağa davam edib. O cümlədən, Livanın cənubunda və Nəbatiyyənin şimalındakı "Əli ət-Tahir" bölgəsində İsrail qüvvələrinin irəliləmək cəhdi Livan müqavimətinin sərt cavabı ilə qarşılaşıb və rejimin bir sıra zabit və hərbçisinin ölümü və yaralanması ilə nəticələnib."
O vurğulayıb: "İranın mövqeyi əvvəldən aydın olub və onun əsas şərti hər hansı yekun razılaşmadan əvvəl müqavimət oxunun bütün cəbhələrində döyüşlərin tam dayandırılmasıdır. Onun sözlərinə görə, Tehran vasitəçilərə bildirib ki, Livana qarşı yer, dəniz və hava təcavüzləri dayandırılmadan danışıqlarda iştirak etməyəcək."
Ayətullah Musəvi əlavə edib: "İran danışıqların yeni raundunda iştirak etməyə hazır idi, lakin Livanın cənubundakı son hadisələrə görə bu prosesi dayandırdı və hazırda vəziyyət iki ssenari arasındadır: ya toqquşmaların şiddətlənməsi, ya da Vaşinqtonun atəşkəsin həyata keçirilməsi və geri çəkilmə üçün sionist rejimə real təzyiq etməsi."
Bu müharibənin mahiyyətinə toxunan cümə imamı deyib: "Bu qarşıdurma tək İranın müharibəsi deyil, İslam ümmətinin, onun tarixinin və gələcəyinin müharibəsidir. Bu, əsil dinin döyüşü, müstəqilliyin, azadlığın və ləyaqətin müdafiəsidir və konkret bir ölkə ilə məhdudlaşmır."
Bağdadın cümə imamı bildirib: "İran İslam Respublikası yalnız öz xalqını deyil, həm də Qəzzanı, Livanı, Suriyanı və İraqı müdafiə edib və dini, əxlaqi vəzifəsi çərçivəsində terrorizm və işğalla mübarizə aparan xalqların yanında durub."
O, çıxışının digər hissəsində danışıqlara toxunaraq deyib: "İran rəhbərliyinin danışıqlara baxışı aləti xarakter daşıyır və o, bunu əsas seçim hesab etmir, çünki Amerika bu prosesdən ədalətli həll yollarına çatmaq üçün deyil, öz maraqlarını təmin etmək və nüfuzunu genişləndirmək üçün istifadə edir."
4359411
