Bərzani: Ayətullah Xameneinin müdrik rəhbərliyi tarixdə qalacaq
“İQNA”-nın "Şəfaq News"a istinadən verdiyi məlumata görə, İraq Kürdüstan bölgəsinin rəhbəri Neçirvan Bərzani şəhid Ayətullah Xameneinin İran və regionun inkişafındakı müdrik rəhbərliyinin tarixdə qalacağını vurğulayıb.
O, İranın şəhid liderinin cənazəsi ilə vida mərasimində iştirak etdikdən sonra "X" sosial şəbəkəsindəki paylaşımında yazıb: "İran lideri Əli Xameneinin cənazəsi ilə vida mərasimində onun xatirəsinə ehtiramımı bildirdim və öz adımdan, həmçinin Kürdüstan bölgəsinin xalqı adından İran xalqına dərin hüznlə başsağlığı verdim."
Bərzani əlavə edib: "Onun müdrik rəhbərliyi və İran və regiondakı proseslərdə oynadığı tarixi rolu tarixdə qalacaq."
İraq Kürdüstan bölgəsinin rəhbəri bildirib: "Biz inanırıq ki, qarşılıqlı anlaşma, hörmət və davamlı konstruktiv dialoq regionda sülh, sabitlik və davamlı təhlükəsizliyə nail olmağın ən yaxşı yoludur."
Bərzani sonda qeyd edib: "İraq Kürdüstan bölgəsi ilə İran arasındakı uzunmüddətli əlaqələr və dərin bağlar həmişə xüsusi yer tutub və biz inanırıq ki, bu münasibətlərin qorunub saxlanılması və inkişaf etdirilməsi ikitərəfli əməkdaşlıq, ümumi maraqların təmin edilməsi, habelə regional sülh və sabitliyin möhkəmləndirilməsi istiqamətindədir."
4362034
