Assamın qədim Quranı; Hindistanda dinlərarası birgəyaşayış tarixinin sübutu
"İQNA"nın "Şəfəqna Ərəb"ə istinadən verdiyi məlumata görə, bu əlyazma Hindistanın Assam bölgəsinin mərkəzində, Kamrup bölgəsindəki bir məsciddə saxlanılır. Yerli sakinlər buna sadəcə qədim bir Quran kimi deyil, bölgənin çoxsaylı nəsillərini bir araya gətirən sosial və mədəni bağların rəmzi kimi baxırlar.
Assam sakinlərinin sözlərinə görə, bu əlyazma təxminən 1770-ci ildə, Şeyx Dahi Bidin yuxusunda Quranın müqəddəs bir nüsxəsinin yaxınlıqdakı meşədə müəyyən bir yerdə basdırıldığını görməsi nəticəsində aşkar edilib. Kənd sakinlərinə məlumat verildikdən sonra müxtəlif təbəqələrdən olan insanlar axtarış və qazıntı işlərində iştirak edərək, içərisində Quran əlyazması, tarixi əsərlər və qədim sikkələr olan köhnə bir taxta qutu tapıblar.
Yerli sakinlər vurğulayırlar ki, bu əlyazmanın məşhur bir məbədin yaxınlığında tapılması hadisəyə simvolik bir məna qatır və Assamda müxtəlif dinlərin mənsubları arasındakı birgəyaşayış və qarşılıqlı hörmət ənənələrini əks etdirir.
Bu qədim Quran tapılandan bəri əlyazma məsciddə diqqətlə qorunur və hər cümə günü camaat namazından sonra ziyarətçilərin və namaz qılanların görməsi üçün nümayiş etdirilir. Yüzlərlə insan Hindistanın Assam ştatının ortaq mədəni yaddaşının bir hissəsini təcəssüm etdirən bu nadir tarixi irsi görmək üçün bölgəyə gəlir.
4367320
