په قرآن کریم کې د حج بیا ځلې تعریف او پيژندګلوي

ایکنا – د حج دستورې د مسلمانانو ترټولو لویه غونډه ده چې  په ذی الحجې میاشت کې  په مکې مکرمې ښار او دهغه په شاوخوا کې پکې د ټولو اسلامی فرقو ډلې ډلې  حاجیان ګډون کوي.

حج یو واجب عبادت او د اسلام د دین یو فروعي رکن دی  چې په ذی الحجې میاشتې کې په مکې مکرمې ښار او شاوخوا کې ئې ترسره کیږي. حج  د اسلام کوم ابداعي سنت نه دی ، بلکې د روایتونو په اساس،له اسلامه  مخکې ځينو پيغمبرانو  د کعبې طواف کړی دی. حتی د مکې مشرکانو هم  له اسلامه مخکې حج او د کعبې طواف کاوه او  د عریانو د طواف په څير ئې خپل خاص سنتونه درلودل چې اسلام له هغوي ځيني نه دي تائيد کړي . ځیني الهي  او  غیر الهي دینونو  هم د مسلمانانو د حج په څير مناسک درلودلي دي. یهودیانو د سلیمان دمعبد  د بقاء تر وخت پورې په درو معیّنو اخترونو کې  هلته شتون ته پابند وو.

د حج دستورې د  مسلمانانو ترټولو لویه غونډه او کانګرس دی  چې د درستو اسلامی فرقو ډلې ډلې حاجیان پکې ګډون کوي. قرآن کریم حج یو الهي شعار معرفي کړی او د حج د ترسره کیدا میاشتې ئې معلومې کړي دي.د   «وَأَذِّنْ فِي النَّاسِ بِالْحَجِّ يَأْتُوكَ رِجَالًا وَعَلَى كُلِّ ضَامِرٍ يَأْتِينَ مِنْ كُلِّ فَجٍّ عَمِيقٍ» (حج/۲۷)،    آیت په اساس، حضرت ابراهیم علیه السلام  مامورشو ، د حج حکم خلکو ته ورسوي. حج څو قسمونه دي ، چې په هغو کې ترټولو دود  حج، حج تمتع دی  او د هغو مسلمانانو لپاره  دی چې  له مکې او د هغې له شاوخوا بهر ژوند کوي.د حج سفر ، له شرائطو سره سره ،پر هر مسلمان یوازې یو خل واجبیږي. حج  په احرام تړلو سره پیلیږي او په دغه عمل سره ،پر حاجی صیب د حج مناسک ترسره کول واجب او ځیني نور کارونه پرې حرامیږي.

په قرآن کې د حج په باب ډير آیتونه راغلی دي او د حج د سورې په نامه  یوه سوره  هم موجوده ده . همداراز  دحج او دهغه داعمالو  او احکامو په باب  څه د پاسه نهه زره روایتونه نقل شوي دي چې په هغو کې ځيني حج له لمانځه وروسته  له ټولو عبادتونو برلاسه  دی. مسلمانو متفکرانو هڅه کړې ده ،  پر ظاهري عملونو سربیره ، د حج فلسفه بیان کړي  چې  په هغو کې ترټولو مهمه د توحید حقیقت او واحد خدای پرستۍ ته رسیدل دي . البته  حج پر عبادي اړخونو سربیره ، نور اړخونه هم لري، چې  په ورپسې یاددښتونو کې به پرې وغږیږو.