د پاکستان په بلوچستان کې ۱۸ بېلتون غواړي بلوه ګر هلاک شوي

ایکنا – د پاکستان د پوځ داطلاعاتو برخې آئي ایس پي آر په یوې خبرتیا کې وئيلي دي، د پاکستان په بلوچستان صوبې کې امنيتي ځواکونو  په دوو جلا عملياتو کې د بلوچ بېلتون غواړو ډله ئې له مینځه وړې ده چې په ترڅ کې ئې ۱۸ ترهګر عناصر وژل شوي دي.

ایکنانیوز د پارس  ټوډې راپور راکړی، د پاکستان  د پوځ د عامه اړيکو څانګېآئي ایس پي آر  نن سهار په يوې اعلاميې کې  ويلي چې په بلوچستان  صوبې  د کویټه ښار  په شاوخوا کې په  کچ ولسوالۍ کې د ترهګرو بېلتون غواړو پر ضد دوه جلا جلا عمليات  ترسره شوي دي.

د پاکستان لومړي وزير هم په يو پيغام کې د پوځ د عملياتو په برياليتوب د خوښۍ په څرګندولو سره  ويلي دي  چې هېواد ئې د وروستي ترهګر تر هلاکت  پورې مبارزې ته ژمن دی.

پاکستاني پوځ په خپلې اعلاميې کې زياته کړې  چې په دغو عملياتو کې د کویټې په شاوخوا کې ۱۴ بېلتون غواړې ترهګر او په کچ سيمې کې ۴ نور ترهګر  هم هلاک شوي دي.

د پاکستان حکومت او پوځ   اړونده ادارې ادعا کوي چې د هند استخباراتي ادارې د بلوڅ  بېلتون غواړو باغيانو په ملاتړ او د بلوچستان صوبې  په بې ثباته کولو کې لاس لري، خو هندوستان تل دا تورونه رد کړي دي.

https://parstoday.ir/ps/news/pakistan-i166542