په مدینې کې د قرآڼ څه دپاسه ۳۰۰میلیون نسخې چاپ شوې
ایکنانیوز د ویټو ګیټ له قوله راپور راکړیو د عربستان د پاچا ملک فهد بن عبدالعزیز کابو ۴۲ کاله مخکې په مدینې کې د ملک فهد قرآن کریم د چاپ د کمپلیکس بنیادي تیږه کیښودله.
دغه ودانۍ په مدینې کې د ۱۹۸۴ کال د اکتوبر په ۳۰ نیټه افتتاح شوه او تراوسه پورې له څه د پاسه څلورو لسیزو وروسته اوس په نړۍ کې اوس د قرآن کریم د چاپ ترټولو لوي مرکز باندې بدل شوی دی.
دغه ټولګه په سعودي عربستان کې د اوسمهال یو ترټولومهم دیني او کلتوري مرکز دی چې په درستې نړۍ کې په تیره بیا په سالامی هیوادونو کې ئې په مختلفو روایتونو سره د قرآن کریم د صحیح نسخو په چاپولو او ویشلو کې مهم رول ئې درلودلی دی.
دغه ټولګه د قرآڼ کریم د چاپ او خپرونې او همداراز په مختلفو ژبو باندې د الهي پیغام ترجمه کول او قرآني علومو د چاپ او خپرونې لپاره په یوه مرجع بدله شوې ده.
پر چاپ د څارنې سسټم کې هم څو مرحلې شاملیږي، چې پر لومړني کنټرول او څارنې سربیره، د چاپ وخت او د نهائي نمونو په ارزونې کې کنټرولول او څارنه پکې شامله ده.
د نظارت د مرکز ترڅنګ د قرآن کریم د ترجمې مرکز هم په مختلفو ژبو باندې د کلام وحي د ژباړې دنده هم په غاړه لري. دغه اقدام د هغو مسلمانانو لپاره د قرآن کریم ددرک د آسانولو په خاطر ترسره کیږي عربی ژبه نه پيژندي،یو داسې اقدام چې د خداوندمتعال ټولو بندګانو ته د الهي پیغام درسولو لپاره دپیغمبر اکرم (ص) د سپارښتنو په لړ کې دی.تر اوسه پورې په دغه مرکز کې د نړۍ د څه د پاسه ۷۲ژبوباندې د قرآن کریم ژباړه شوې ده. په دغو ژبو کې ۳۹آسیائي ژبې ، ۱۲اروپائي ژبې او ۱۹ افریقائي ژبې شاملې دي. همداراز دغه کمپلیکس په اوو ژبو باندې ۱۲ ویب سایټونه لري چې د قرآن کریم دچاپ ، خوشخطۍ ، د قرآن د تاریخ ، تفسیر،ترجمې او قرآني علومو وړاندې کوي.
د غږ په بڼه کې او د غږ په لارښونې سره د قرآن کریم د زده کړې لپاره هم په ۱۴ ژبو ویب سایټونه فعال دي . په دغه ویب سایټونو کې په انګریزي ، فرانسیسۍ ، آسپانیائي، انډونیشیائي ، اردو، آلبانیائي ، اورومو ،اویغوري، پشتو ، براهو ،بنګالي ، یوسنیائي ، تامیلي ، ترکی، سومالیا، چیني ،فارسي، قزاقستاني ،کوریائي، مالار او هوسا په ژبو د قرآن کریم ژباړې شاملې دي.
