د یمن خبرداری: لینکلن بېړۍ ته به سیمې ته د واریدیدا اجازت ورنه کړو

ایکنا – د یمن په صنعا کې یوې پوځي سرچینې وویل چې د انصارالله غورځنګ مبارزانو به هېڅ یوې امریکائي جنګي بېړۍ او الوتکه‌وړونکې بېړۍ ته اجازت ورنه کړي چې سره سمندر او عربي سمندر ته نږدې شي، ځکه دا بېړۍ د یمن لپاره ګواښ بلل کېږي.

 ایکنا  نیوز د «الاخبار» له قوله راپور راکړ، د امریکا د «ابراهم لینکلن» الوتکه‌وړونکې لویه بېړۍ سیمې ته په واریدیدا سره په یووخت ، یمنیانو خبرداری ورکړی چې د امریکائي جنګي بېړیو د نږدې کېدو مخه به ونیسي.

بریګيډ جنرال عزیز راشد، چې انصارالله ته نږدې یو پوځي شنونکی دی، وویل چې د یمن سمندري ځواک په سور سمندر او عربي سمندر کې د دښمنانو خوځښتونه په ډېر دقت څاري او د امریکایي سمندري ځواک د ځای پر ځای کېدو د هر ډول هڅې د شنډولو لپاره به اقدام وکړي.

هغه «الاخبار» ته وویل چې یمنیانو تر دې وړاندې هم څو ځله همدا امریکائي الوتکه‌وړونکې بېړۍ، چې د یمن پر ضد د امریکا د یرغل په چوکاټ کې په سیمې کې دیره شوې وه، په نښه کړې ده.

راشد زیاته کړه: د یمن وسله‌وال ځواکونه د هر ډول برید د مخه نیولو او په سره سمندر او عربي سمندر کې د هر دښمن هدف باندې د ګوزار لپاره د خپل پوځي چمتووالي تر ټولو لوړې کچې ته رسېدلي دي، او دا چمتووالی تر  بل هر وخته ډېر لوړ دی.

هغه د امریکا او صهیونیستي دښمن پر وړاندې د پوځي حیرانتیاوو شتون ته اشاره وکړه، که هغوی په سیمه کې جګړه پیل کړي، او وې ویل چې امریکا د یمن له سختو ګوزارونو  عبرت نه دی اخیستی، او باید پوهه شي چې د ایران او امریکایي ـ صهیونیستي دښمن ترمنځ هر ډول راتلونکې نښته به ټوله سیمه د اور  له لمبو سره مخ کړي.

https://iqna.ir/fa/news/4330837