هندوستان د ؛شیطاني آیتونو؛نومې کتاب ممنوعیّت لغوه کړ
ایکنانیوز د یورونیوز له قوله راپور راکوي،د نومبر په پنځمه په هغې دوسیې کې چې په ۲۰۱۹ کال کې پرانیستل شوې وه، او یوه کس هندوستان ته د شیطاني آیتونو نومې کتاب د واردولو نیّت درلود،دهندوستان سپریم کورټ ددغه هیواد حکومت ته ووئيل،هندوستان ته د شیطاني آیتونو نومې کتاب یا (سټینک ورسیس) د وارداتو باندې په ممنوعیّت مشتمل حکومتي فرمان دارزونې وړ نه دی، پر دې اساس دا د ممنوعیّت د دوام لپاره نشي وړاندې کولی.
یورونیوز په دې باب لیکلي دي، دغه ممنوعیت دهغه اپیل موضوع وه چې په ۲۰۱۹کال کې د دسانډیپن خان په نامې سره یو کس د ډیلي لوړې محکمې ته د ګمرکاتو او غیر مستقیم مالیاتو مرکزی پلاوي په ضد وړاندې کړې ده.
سنډیپن خان ددغه پلاوي د ۱۹۹۸ کال د فیصلې قانوني اعتبار چې دکفری محتوا په دلیل د سلمان رشدي ناول واردات د هند د ۱۹۶۲ ګمرکي قانون په اساس ممنوع شوی ؤ، له چیلنج سره مخ کړ. د قانونی سندونو په اساس، سنډيپن خان له قضائي ادارې غوښته کړې د هغې فیصلې یوه نسخه چې د کتاب واردات ئې ممنوع کړي وو، هغه ته وښئ، خو هغه ته اطلاع ورکړل شوه چې دغه سند ونه موندنل شو .
هندوستان په ۱۹۸۸کال کې لومړنی هیواد ؤ چې اسلام او د اسلام پیغمبر (ص) ته سپکاوی کونکی دغه ناؤل ئې ممنوع اعلان کړ او په دوام کې حضرت امام خمیني دد لیکوال د مهدورالدم فتوا صادره کړه او په مختلفو هیوادونو کې په تیره بیا د هندوستان او پاکستان د مسلمانانو له خوا پراخ اعتراضونه او سترې مظاهرې ترسره شوې.
دهندوستان سترې محکمې همداراز وئيلي دي، په هغه وضعیّت کې چې د نوموړي کتاب د وارداتو پر ممنوعیّت مشتمل حکومتي فیصله نشته، ددې لپاره بله ټاکنه نه پاتیکیږي ، له دې پرته چې دا فرض کړي ، چې دغه شان فیصله اصلا نه ده شوې . پر دې اساس د سنډیپن خان د وکیل اوډیّم مکهر جي د وینا سره سم ، دغه ممنوعیّت د نومبر له پنځمې نیټې څخه د ممنوعیّت د حکم د نه شتون په دلیل لیرې کړئ شو ی دی.
روئيټرز خبری آژانس ددغه خبر په اعلانولو سره لیکلي دي ، چې د هندوستان د کورنیو چارو او خزانې چارو وزارتونو په دې موضوع کې د نظر د څرګندولو لپاره غوښتنو ته په ځواب وئيلو کې چُپتیا غوره کړې ده .
سلمان رشدي د حضرت امام خمیني له فتوا وروسته کابو تر درو لسیزو پورې د بریتانیا دحکومت په پناه کې پټ ژوند وکړ او وئیل کیږي، چې اوس د امریکا دحکومت په پناه کې دی،البته په عین حال کې ترټولو وروستي ځل دوه کاله مخکې یعني د ۲۰۲۲کال په اوړي کې هغه د نیویارک په شمال کې په یوې ادبی غونډې کې د لبناني توکه یوه امریکائي ځوان له حملې سره مخ شو او سخت ټپي شو او دیوې سترګې نظیر ئې هم له لاسه ورکړی دی.
