لبنان ولسمشر د حزب الله د بې وسلې کولو له پلانه په شا شو
ایکنانیوز د پارس ټوډی له قوله راپور راکوي د لبنان الاخبار ورځپاڼې په راپور کې ویلي چې د لبنان ولسمشر د متحده ایالاتو او لویدیځو هېوادونو ددباؤنو په ځواب کې چې د حزب ا... د بې وسلې کولو د پلان دپلي کولو لپاره دی،ووئیل؛ د داسې یوې پرېکړې د زور خبرې پلي کول ناممکن دي او دا به داخلي جګړې ته لاره هواره کړي.
د الاخبار ورځپاڼې په لیکنه، « د لبنان ولسمشر جوزف عون» د متحده ایالاتو او اروپایي منځګړو سره په لیدنې کې روښانه کړې چې د لبنان پوځ له حزب الله سره دمخامخ کیدا وړتیا نلري او د دې غورځنګ د بې وسلې کولو لپاره هر ډول هڅې به داخلي ټکر ته لاره هواره کړي.
جوزف عون ټينګار وکړ چې د حزب ا .... لخوا د خپلو وسلو ددفاع کولو دریځ یوازې یو سیاسي دریځ نه دی بلکې په ټول لبنان کې ددغه دریځ په جدیت خبر دي چې ددغو وسلو د ساتلو هدف څه دی. دا څرګندونې په داسې وخت کې کېږي چې د متحده ایالاتو استازي، تام باراک» د بيروت د سفر په پیل کې، په ګواښونکي ډول له لبناني چارواکو غوښتي چې یا له اسرائیلو سره مستقیمې خبرې اترې پیل کړي چې د حزب ا... د بې وسلې کولو لپاره وخت پلانونه وکړي یا لبنان به په خپل حال پرېږدي.
د پارس ټوډي د راپور په اساس ، د لبنان په چارو کې د متحده ایالاتو مرستیال استازي، مورګان اورتګاس» د دلبنان له ولسمشر ژوزف عون د پارلیمان له مشر نبیه بري سره په لیدو کې، د حکومت په واک کې د وسلو په ورکولو او له تل أبيب سره د نوو خبرو اترو په پیلولو باندېټينګار کړی دی؛ داسې موضوع چې د پارلمان مشر دا د دواړو خوا د اوربند په چوکاټ کې له ژمنو سره په ټکر کې ګڼي او د لبنان لخوا ئې د مخکینیو تړونونو په پابندۍ باندې ټينګار وکړ .
په وروستیو میاشتو کې، د لبنان حکومت د واشنګټن په دباؤنو سره او د شيعه استازو په نشتوالي کې، د حزب ا... غورځنګ د بې وسلې کولو لپاره یو پلان تصویب کړی چې د مقاومت ډلو له سخت مخالف سره مخ شوی دی. د لبنان د حزب ا... عمومی منشي شيخ «نعیم قاسم» دا ګام خطرناکه لوبه او د اسرائیلي موخو لپاره ګټه ور ګڼلی او ټينګار ئې کړی دی چې حکومت باید د هېواد دښمن ته د سپارلو پر ځای د ملي حاکمیت په دفاع باندې تمرکز وکړي.
https://parstoday.ir/fa/west_of_asia-i26374
