د بني أُنيف مسجد؛ په مدينه منوره کې بې چته تاريخي ودانۍ + انځور

ایکنا – په مدينې منورې ښار کې لسګونه نبوي ځايونه شته دي  او په هغو کې یو  ځاي ،د بني أُنيف مسجد دی چې د قباء د مسجد په سویل لویدیځ کې، د العُصبة په کلي کې او له هغه څخه د ۵۰۰  میټرو په کم واټن کې موقعیت لري.

د ایکنانیوز د راپور له مخې، دا تاريخي  جومات د بني أُنيف د قبيلې په نوم نومول شوی، داسې قبيله چې په هغه وخت کې د قباء د خلکو د اوسیدو ځاي وو.

ځينې تاريخپوهان دا جومات د «الصُّبْح» يا «المُصَبَّح» په نامې هم پېژني.دا مسجد د خپلې ساده او اصيلې معمارۍ  په علت پېژندل کېږي؛ له تورو آتشفشاني ډبرو څخه جوړ شوی او چت نه لري. د دې جومات  مساحت کابو  ۳۷.۵ مربع میټره دی.

دا مسجد د مدينه منوره د پراختيا د پلاوي د هڅو په چوکاټ کې، د نبوي ځايونو د ساتنې او د سعودي عربستان د ۲۰۳۰ ليد لوري د موخو په رڼا کې، د دقیقې بيارغونې په عملیاتو کې شامل شوی دی.

د بني أُنيف مسجد د نبوي هجرت د ژوند د يوې نښې په توګه، د ژور معنوي ارزښت لرونکي انساني موقعيت سمبول دی.

دا  جومات د کلتوري او دیني ګرځندویو پروژو په چوکاټ کې ځای لري او د مدينه منوره د پراختيا پلاوي  د زيارت کوونکو لپاره د مدينې د دیني او تاريخي ځايونو د معرفي کولو په موخه، د یوې جامعې تګلارې په توګه پرې څارنه کوي. 

انځور: د بني أُنيف مسجد انځور د دې ودانۍ ساده او تاريخي بڼه ښيي، چې له تورو آتشفشاني ډبرو څخه جوړه شوې او بې چت ده، چې د هغې لرغونی او معنوي اهمیت منعکسوي.

https://iqna.ir/fa/news/4291595