آیسسکو ته د اسلامي نړۍ دمشهور خطاط د قرآن ډالۍ کېدل
ایکنا نیوز ، د morocco له قوله راپور راکوي، د قرآن دغه نسخه د ابوالحسن علي بن هلال بن عبدالعزیز، چې په «ابن بواب» مشهور دی، په خط کتابت شوې ده. دا نسخه رتیبة الصفریوي، چې په مراکش کې د پوهنتون متقاعد شوی استاد دی، آیسسکو ته ډالۍ کړې ده.
د آیسسکو د اعلان له مخې، الصفریوي دا نسخه د اسلامي نړۍ د خطي میراث د ساتنې او ودې په برخه کې د دې ادارې د مخکښ رول د قدرونې په توګه آیسسکو ته ورکړې ده.
د آیسسکو عمومي مشر ، سالم بن محمد المالک، وویل: دا اقدام د ستاینې وړ دی، ځکه چې دا د اسلامي نړۍ د خطي نسخو د ملاتړ یوه نېک دود ته وده ورکوي او د علم خپرولو ته هڅونه کوي.
هغه زیاته کړه: دا کار همدارنګه د آیسسکو رول پیاوړی کوي، چې د فرهنګي عناصرو د له مینځه تلو او زیان څخه د ساتنې، او د مسلمانو ټولنو د میراث او د هغوی د فرهنګي، علمي او تمدني ونډې د معرفي کولو لپاره هڅه کوي
رتیبه الصفریوي د دې قرآن د ډالۍ کولو په مراسمو کې د هغې په اړه معلومات ورکړل او وې ویل: دا نسخه هغه ته د خپل مرحوم ورور، سید عبدالحی الصفریوي، له لوري پاتې شوې ده، او له یوه پېژندنیزې کتابچې او د قرآن د ځینو سورو د معناوو له فرانسوي ژباړې سره یوځای ده.
آیسسکو اعلان وکړ چې ابن بواب د دریمې او څلورمې هجري قمري پېړۍ له سترو خوشنویسانو څخه ګڼل کېږي، چې د نسخ خط د لیکلو اصول ئې پراخ کړل او د هر حرف د برخو ترمینځ ئې ښکلي تناسبات تنظیم کړل.
هغه ټول ټال څلورشپېته قرآنونه لیکلي دي، چې تر ټولو مشهور ئې د هغه له قرآنونو څخه یوازینۍ پاتې نسخه ده، چې په ۳۹۱ هجري قمري کال کې په بغداد کې لیکل شوې ده. دا نسخه د ایرلنډ د پلازمېنې ډوبلین په «چستر بیتی» کتابتون کې ساتل کېږي، او هغه نسخه چې آیسسکو ته وړاندې شوې ده، له همدې قرآن څخه اخیستل شوې ده.
https://iqna.ir/fa/news/4325176
