Ёде аз шайх Шаъбон Сайёд, қаҳрамони тиловати Қуръон + савт
Ба гузориши манобеи хабарӣ, рӯзи, 29 январ, бисту шашумин солгарди вафоти шайх Шаъбон Сайёд, қории машҳури мисрӣ ва аз қориёни барҷастаи ҷаҳони Ислом буд. Ӯ ба далели маҳорат дар тиловат ба «Қаҳрамони тиловати Қуръон» байни қориёни мисрӣ машҳур шуд.
Зиндагинома
Шайх Шаъбон Абдулазиз Сайёд 20 сентябри 1940 дар рустои Сарова, аз тавобеи бахши Ашмуни устони Манофия ба дунё омад ва дар 29 январ 1998 чашм аз ҷаҳон фурӯбаст.
Ӯ дар кӯдакӣ ба мактабхонаи қуръонӣ рафт ва дар ҳафтсолагӣ муваффақ ба ҳифзи Қуръони Карим шуд, аз навҷавонӣ дар маҳзари шайх Мустафо Исмоил, яке аз бузургтарин чеҳраҳои тиловати Қуръони Карим дар таърихи муосири тиловати Қуръон дар Миср ва ҷаҳони Ислом тиловати Қуръони Карим ва фунуни мухталифи онро омӯхт. Баъдҳо вориди донишкадаи усули дин дар Ал-Азҳар шуд ва дар соли 1975 милодӣ дар моҳи мубораки Рамазон ба кишварҳои мухталифе сафар кард ва дар ин кишварҳо ба тиловати Қуръон пардохт. Вай ҳамчунин ба унвони қории масҷиди Шаъронӣ дар Қоҳира мансуб ва солҳо дар ин масҷид ба тиловати Қуръон мепардохт.
Вижагиҳои тиловат
Шайх Шаъбон Сайёд дар ҳафтсолагӣ муваффақ ба ҳифзи кулли Қуръони Карим шуд ва дар дувоздаҳсолагӣ овозаи шӯҳрати ӯ дар минтақаи зодгоҳи худ боло гирифт ва аз вай даъват мешуд то дар маҷолиси мухталиф ба тиловати Қуръони Карим бипардозад.
Сабки тиловати ӯ дар ибтидо мутаассир аз шайх Мустафо Исмоил буда, аммо дар идома ӯ шеваи хосси хешро ёфт. тиловати ӯ аз ояти шарифаи: أَفَلَا يَتَدَبَّرُونَ الْقرآن وَلَوْ كَانَ مِنْ عِنْدِ غَيْرِ اللَّهِ لَوَجَدُوا فِيهِ اخْتِلَافًا كَثِيرًا: "Оё дар [маонии] Қуръон намеандешанд агар аз ҷониби ғайри Худо буд қатъан дар он ихтилофи бисёре меёфтанд". (Нисо, ояти 82)-ро машҳуртарин тиловат аз ин ояти шарифа тавсиф кардаанд.
Таҳсили шайх Шаъбон Сайёд дар донишгоҳи Ал-Азҳар ӯро дар заминаи тасаллут ба улуми тиловат бисёр барҷаста кардааст.
