Бино ба гузориши икно бо истинод ба пойгоҳи хабарии «alwakaai.com», Муҳаммад Ал-Халайла, вазири авқофи Урдун, дар ин бора гуфт: «Ин марказҳо танҳо ҷойҳои анъанавӣ барои омӯзиши ҳифзи Қуръон нестанд, балки ба муҳити ҳамаҷонибаи тарбиявӣ табдил ёфтаанд, ки ҳадафи он парвариш ва такмили шахсияти хонанда мебошад».

Вай афзуд: «Барномаҳои пешниҳодшуда фаъолиятҳои огоҳкунанда ва арзишмеҳварро дар бар мегиранд, ки талош мекунанд хонандаро бо дидгоҳи Қуръон ҳамчун тарзи зиндагӣ ва рафтори ҳаррӯза пайванд диҳанд ва аз марзҳои танҳо таълим додан ва азёд кардани Қуръон фаротар раванд».

Вазири авқофи Урдун таъкид кард, ки густариши васеи ин марказҳо дар деҳот ва шаҳрҳо ба ҳазорон оила имконият медиҳад, то фарзандони худро дар барномаҳои босифат, ки донишҳои динӣ ва малакаҳои зиндагӣ-ро ба ҳам мепайванданд, номнавис кунанд.

Вай гуфт: «Истиқболи густурдаи мардум нишон медиҳад, ки ҷомеа ба нақши тарбиявии ин марказҳо эътимод дорад. Ин марказҳо имкон медиҳанд, ки вақти фароғати хонандагон ба таври судманд истифода шавад ва дар ташаккули огоҳии иҷтимоии онҳо саҳм гузошта шавад».

Табдил додани арзишҳои Қуръонӣ ба рафтори мушаххаси иҷтимоӣ

Ал-Халайла таъкид кард, ки ҳадафи асосии ин барномаҳо танҳо ба анҷом расонидани ҳифзи ҷузъҳои Қуръон нест, балки устувор гардонидани арзишҳои амонатдорӣ, ростқавлӣ, эҳтиром ба дигарон ва кори дастаҷамъӣ дар рӯҳу равони иштирокчиён мебошад.

Вай изҳор дошт, ки фаъолиятҳои интерактивие, ки дар марказҳои Қуръонӣ баргузор мешаванд, дар тақвияти рӯҳияи ташаббускорӣ ва эҳсоси масъулият дар миёни насли ҷавон нақши муҳим доранд.

4371093