Тавсеа ва тақвияти дипломатияи қуръонӣ дар ҳамоиши байналмилалии "Паёмҳои Аллоҳ"
Ба гузориши манобеи хабарӣ, Созмони фарҳанг ва иртибототи исломӣ, нахустин ҳамоиши байналмилалии "Паёмҳои Аллоҳ" ба ҳиммати Созмони фарҳанг ва иртибототи исломӣ бо рӯйкарди тавсеа ва тақвияти дипломатияи қуръонӣ баргузор мешавад.
Табйин ва тарвиҷи зарфиятҳои қуръонии Ҷумҳурии Исломии Эрон дар арсаи байналмилал; ҷараёнсозӣ, асарбахшӣ ва улгусозӣ дар таомулоти байналмилалии қуръонӣ ва таъсиси шабакаи таомули нухбагони қуръонии Ҷумҳурии Исломии Эрон ва ҷаҳони Ислом аз ҷумла аҳдофи барпоӣ ин ҳамоиш эълом шудааст.
Бар асоси ин гузориш навовариҳои ҳамоиш иборатанд аз таҷлил ва тақдир аз ду тафсири шиа «Тасним» Аллома Ҷаводии Омулӣ ва аҳли суннат бо номи «Ал-Таҳрир ва Ал-Танвири ибни Ошур».
Дар ин ҳамоиш аз нухбагон, андешамандон ва намояндагони марокизи қуръонии кишварҳои Тунис, Миср, Ироқ, Русия, Лубнон, Малайзия, Сенегал, Тайланд, Ҳиндустон ва Покистон ҷиҳати таомул ва ёддошти тафоҳум дар ростои ҳамофзоӣ зарфиятҳои қуръонии дунёи Ислом дар меҳварҳои мутааддиде даъват ба амал омадааст.
Аз ҷумла меҳварҳои эълом шуда барои ин ҳамоиш табъ ва нашри Қуръони Карим; хушнависӣ, тазҳиб ва китоб ороӣ; ҳифзи Қуръони Карим; омӯзиши қироати Қуръони Карим; улум ва маорифи қуръонӣ; Тафсири Қуръони Карим ва бонувони қуръонӣ ва расонаҳои иртиботи ҷамъии қуръонӣ аст.
Ин ҳамоиш шанбе, 6 январ соати 8 субҳ дар Теҳрон, хиёбони шаҳид Мутаҳҳарӣ ва Муфаттеҳ, донишкадаи Илоҳиёт ва Маорифи Исломии донишгоҳи Теҳрон (Толори шаҳид Муфаттеҳ) баргузор хоҳад шуд.
